Abanyamulenge babarirwa mu bihumbi birenga bine zavuye mu ngo zazo mu misozi miremire ya Rurambo ho muri groupement ya Lemera, Teritware ya Uvira zerekeza ahitwa mu Rubanga bahunze ibitero bya Mai Mai n’inyeshyamba z’Abarundi za Red Tabara.
Bamwe mu banyamulenge baganiriye n’Ijwi rya Amerika dukesha iyi nkuru bemeje ko iyi mitwe ibiri yabasanze mu byabo itangira
Umwe ati "Twaratewe na Mai Mai na RED Tabara hirya y’ejo [Kuwa Gatandatu].Baturutse impande zose muri Mwenga,Gituni.Batera ingo (…)

Abanyamulenge babarirwa mu bihumbi birenga bine zavuye mu ngo zazo mu misozi miremire ya Rurambo ho muri groupement ya Lemera, Teritware ya Uvira zerekeza ahitwa mu Rubanga bahunze ibitero bya Mai Mai n’inyeshyamba z’Abarundi za Red Tabara.

Bamwe mu banyamulenge baganiriye n’Ijwi rya Amerika dukesha iyi nkuru bemeje ko iyi mitwe ibiri yabasanze mu byabo itangira

Umwe ati "Twaratewe na Mai Mai na RED Tabara hirya y’ejo [Kuwa Gatandatu].Baturutse impande zose muri Mwenga,Gituni.Batera ingo z’abaturage barazitwika,abandi bica abagore n’abana.Niyo mpamvu twahunze.

Undi yagize ati "Amazu barayatwitse singira akantu nambara ni gutya.Baduteye mu rukerera tutabizi.Abaduteye ni Red Tabara na Mai Mai.Bajyaye inka zitagira umubare.Ibyokurya byo sinabivuga,amazu baratwika no kugeza ku mirima bakajya bayitemagura."

Buditito Rugwegwe, umuyobozi wa localite ya Kahololo avuga ko gusenyuka kw’imihana yabo irenga 13 harimo akagambane ka leta kuko barayitabaje ntiyabatabara kuva Mai Mai na Red Tabara zabagabaho ibitero kuva mu kwezi kwa gatatu kugeza uyu munsi.

Ati "Hari abasirikare ahantu hose muri za Uvira,ariko abantu barabatemagura Leta irebera ntacyo ikora.Bari batubeshye ngo abasirikare baje gutabara ariko twasanze ari ntabo ari ukutubeshya.Barabeshya aba bajenerali bari za Bukavu n’ahandi.Nta basirikare bazamutse gutabara."

Aba banyamulenge bavuze ko bamwe mu baturage baguye mu nzira kubera inzara ubwo bahungaga.

Umuvugizi wa Mai Mai Ilungu, bwana na Bulizi Aimable, avuga ko nta ntambara yo gusenyera abaturage bo mu Rurambo bakoze ahubwo intego yabo ari kurwanya imitwe yitwaje ibirwanisho ikorera Rurambo harimo Colonel Makanika na Colonel Charles Sematama.

Umuvugizi wa FARDC muri ako karere,Thierry Kasereka yavuze ko aribwo bari bakimenyeshwa ibibazo byizo ntambara ariko ngo aribo bacungiye umutekano aba baturage bari guhunga.