skol
Fortebet

Abanye Congo bashatse kwinjira mu Rwanda ku ngufu mu myigaragambyo ikomeye bakoze

Amakuru   Yanditswe na: Dusingizimana Remy 15 June 2022

Mu gitondo cyo kuri uyu wa Gatatu,tariki ya 15 Kamena 2022 i Goma haramukiye imyigaragambyo ikomeye yateguwe na Sosiyete Sivile ikorera muri Kivu y’Amajyaruguru aho abaturage bashakaga kwinjira mu Rwanda bakanahatera amabuye.

Mu mashusho yakwirakwijwe ku mbuga nkoranyambaga yagaragaje aba bakongomani bigaragambyaga bashaka kwinjira ku butaka bw’u Rwanda ariko Polisi y’u Rwanda ibabuza kwinjira, gusa irabareka bakomeza kwigaragambiriza hakurya muri Congo.

Bateraga amabuye mu Rwanda,bakavuza induru cyane bavuga ngo "Wanyarwanda watoke", gusa inzego z’umutekano z’u Rwanda ntizagira icyo zibatwara, zirabareka.

Iyi myigaragambyo yabereye ku mupaka ukoreshwa cyane uzwi nka "Petite Barrière" mu gihe ku munini wa La Corniche uzwi nka Grande barrière harimo kwambuka abanye-Congo gusa.

Iyi myigaragambyo yatumye urujya n’uruza rw’abantu bajya i Goma bavuye mu Rwanda ruhagarara, kuko benshi batinye kuba bagirirwa nabi mu gihe baba bambutse umupaka.

Guverineri w’Intara y’Uburengerazuba, Habitegeko François aheruka kuburira abaturage b’akarere ka Rubavu kwirinda kujya muri RDC kubera umutekano wabo.

Guverinoma ya Congo ikomeje gushyira mu majwi u Rwanda irushinja ko arirwo ruri inyuma y’umutwe wa M23, ndetse ko rwawufashije kwigarurira Umujyi wa Bunagana. Ni ibirego u Rwanda ruhakana, rukavuga ko nta sano n’imwe rufitanye n’uyu mutwe.

Ku rundi ruhande, uyu mutwe nawo uherutse gutangaza ko nta bufasha na buto uhabwa n’u Rwanda yewe ko n’imbunda n’amasasu ukoresha, bimwe ubigura n’abasirikare ba FARDC, izindi ko ari izo wahishe kera ubwo wahungaga ndetse n’izo wambura Ingabo za RDC.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukecuru yagiye gutabara umugabo we wari ugiye kurohama barapfana

Umukecuru yarohamye mu mazi ubwo yagerageza gutabara umugabo we nyuma yo...
6 August 2022 0

Imbaga y’abanye Goma yitabiriye gushyingura abaguye mu myigaragambyo

Abarenga 5000 nibo bitabiriye umuhango wo gushyingura bagenzi babo biciwe...
5 August 2022 0

DR Congo: Haravugwa imirwano y’Imbonerakure na Red-Tabara

Abarwanyi b’Imbonerakure kuwa gatatu bigaruriye agace ka Birimba nyuma...
5 August 2022 0

Mozambike: RDF yabohoje abaturage barenga 600 bari bafashwe n’ibyihebe

Ingabo z’u Rwanda ziri mu butumwa budasanzwe mu gihugu cya Mozambique,...
4 August 2022 0

Ubushinwa bwatangiye imyiyereko igamije gutera ubwoba Taiwan

Ubushinwa burimo gutangira imyiyereko ya gisirikare ya mbere ikomeye cyane...
4 August 2022 0

Umusirikare w’u Rwanda aravugwaho gukozanyaho n’uwa RDC ku mupaka

Biravugwa ko ingabo z’u Rwanda zakozanyijeho n’iza RD Congo ndetse ko...
3 August 2022 0