skol

Abashinjacyaha bakomeye ba US bibasiwe mu gitero cyo kuri mudasobwa bicyekwa ko cyagabwe n’Uburusiya

Amakuru   Yanditswe na: Dusingizimana Remy 1 August 2021

Abashinjacyaha hafi 30 b’Amerika binjiriwe muri konti zabo za email zo ku kazi mu gitero gikaze cy’abinjira mu mabanga yo kuri mudasobwa (hackers) cyabaye mu mwaka ushize, nkuko bivugwa n’ibiro by’ubutabera by’iki gihugu.


Icyo gitero ku bakoresha ’software’ (logiciel) ya SolarWinds, Amerika yacyegetse ku Burusiya. Ni cyo gitero cya mbere kibi cyane cy’ubutasi bwo kuri mudasobwa cyari kigabwe kuri leta y’Amerika.

Ibiro by’ubutabera by’Amerika bivuga ko abashinjacyaha 27 binjiriwe nibura muri mudasobwa imwe yo ku kazi.

Ibyo byateye ubwoba ko abo ba-hackers baba barashoboye kugera ku makuru y’ibanga akomeye, arimo nk’amazina y’abatanga amakuru y’ubutasi.

Gil Soffer wahoze ari umushinjacyaha wa leta muri Amerika, yabwiye BBC ati: "Ni ibintu bishobora kuba bikomeye cyane".

Yavuze ko emails z’abashinjacyaha ziba zirimo "amakuru akomeye cyane, y’ibanga rikomeye..."

Yongeyeho ko niba abo ba-hackers barashoboye kugera ku makuru y’ibanga ajyanye n’imyirondoro nyakuri y’abaha amakuru urwego rw’ubutasi rw’Amerika, bashobora kuyakoresha mu "gukuraho ubwihisho bwabo".

Uko kwinjira mu mabanga yo kuri mudasobwa kwatumye abagizi ba nabi bakoresha ikoranabuhanga bishoboka ko bageze ku mirongo 18,000 ya mudasobwa za leta n’iz’abikorera ku giti cyabo. Kwahishuwe mu kwezi kwa cumi na kabiri mu 2020.

Konti za emails zagezweho n’icyo gitero zirimo konti zingana na 80% zo kuri Microsoft zikoreshwa n’abakozi bo mu biro bine by’ubushinjacyaha i New York, byita kuri amwe mu makuru y’abakomeye cyane mu gihugu ajyanye n’imanza.

Renato Mariotti wahoze ari umushinjacyaha yagize ati: "Aya ni amaperereza akomeye cyane abera muri ibyo biro".

Aba arimo amaperereza yo ku rwego rwo hejuru yo mu rwego rw’imari, bivuze ko buri makuru yose yajya ahagaragara avuye muri ayo maperereza ashobora gukoreshwa nk’igikangisho ku bantu bavugwamo bakakwa amafaranga kugira ngo adatangazwa.

Ibiro by’ubutabera by’Amerika bivuga ko aba-hackers binjiye muri konti zo kuri mudasobwa guhera mu kwezi kwa gatanu mu 2020 - amezi arindwi mbere yuko iby’icyo gitero cyiswe SolarWinds bishyirwa ahagaragara.

Ibi biro byavuze ko abibasiwe bose muri icyo gitero babimenyeshejwe kandi ko ibi biro birimo gukora kuburyo bwo kugabanya "ibyago ku mikorere, ku mutekano no ku buzima bwite" byatewe n’uko kwinjirirwa ko kuri mudasobwa.

Ntabwo byahishuye ubwoko bw’amakuru y’ibanga yatwawe.

Mu kwezi kwa kane, ubutegetsi bwa Perezida w’Amerika Joe Biden bwatangaje ibihano ku Burusiya kubera icyo gitero cya SolarWinds n’ibindi bitero byo kuri mudasobwa.

Uburusiya bwahakanye buvuga ko nta kintu kibi bwigeze bukora.

Ariko Bwana Mariotti yaburiye ko niba leta y’amahanga igeze kuri dosiye zikomeye zo mu bucamanza, ishobora kugerageza kuzikoresha mu guhindura ibyo abaturage bajyaho impaka cyangwa mu kugena ibiva mu matora.

Yagize ati: "Hari amoko yose [ashoboka] y’impamvu leta yo mu mahanga ishobora gushaka kugira ubu bwoko bw’amakuru".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RDC: Abitwaje intwaro bateze imodoka yari igemuriye impunzi bica abantu...

Muri Repubulika ya Demokarasi ya Kongo,abitwaje intwaro bataramenyakana...
2 December 2021 0

RDC:MONUSCO irashaka kugenzura ibitero by’ingabo za Uganda n’iza DR Congo...

Ingabo za ONU ziri mu butumwa bwiswe MONUSCO mu burasirazuba bwa DR Congo...
2 December 2021 0

Ethiopia:Ingabo za Leta zambuye Inyeshyamba umujyi w’umurage w’isi wa...

Ingabo za leta ya Ethiopia zisubije umujyi ndangamateka wa Lalibela wari...
2 December 2021 0

RDC yemeje ko ingabo za Uganda ziri ku butaka bwayo guhangana na...

Igisirikare cya DR Congo cyemeje ko kiri gufashwa n’icya Uganda mu bitero ku...
1 December 2021 0

Uganda: Uwacuruje insenene mu ndege ya Uganda Airlines n’uwamufotoye batawe...

Umugabo ushinjwa gucuruza insenene mu ndege ya Uganda Airlines hamwe...
30 November 2021 0

Ingabo za Uganda zigiye kwerekeza muri RDC guhangana na ADF

Ingabo za Uganda UPDF zahawe uburenganzira bwo kujya muri Congo na Perezida...
29 November 2021 0