Ikinyamakuru Goma News 24 cyatangaje ko abasirikare ba FARDC 1000 bari mu birindiro byabo bya Kabindi na Matebe, babivuyemo bagahunga.
Iki kinyamakuru kigira kiti “Abasirikare barenga 1 000 bahunze bajya guca ingando i Rukoro mu bilometero bitatu uvuye i Rutshuru.”
Aba basirikare bahunze ibirindiro byabo nyuma yuko bakomeje gutahwa n’ubwoba ko
ingabo za M23 zishobora kubibasangamo zikabamerera nabi.
Umutwe wa M23 uhanganye na FARDC mu mirwano ikomeye, uherutse gufata agace ka Ntamugenga (...)

Sponsored Ad

Ikinyamakuru Goma News 24 cyatangaje ko abasirikare ba FARDC 1000 bari mu birindiro byabo bya Kabindi na Matebe, babivuyemo bagahunga.

Iki kinyamakuru kigira kiti “Abasirikare barenga 1 000 bahunze bajya guca ingando i Rukoro mu bilometero bitatu uvuye i Rutshuru.”

Aba basirikare bahunze ibirindiro byabo nyuma yuko bakomeje gutahwa n’ubwoba ko
ingabo za M23 zishobora kubibasangamo zikabamerera nabi.

Umutwe wa M23 uhanganye na FARDC mu mirwano ikomeye, uherutse gufata agace ka Ntamugenga kari mu bilometero 40 uvuye mu Mujyi wa Goma.

Aka gace kafashwe na M23 nyuma yo gufata umujyi wa Bunagana umaze iminsi uri mu maboko yabo ndetse hari n’andi makuru avuga ko n’uduce tuhegereye twafashwe.

Mu butumwa bw’amashusho bwasohowe na M23 ku Cyumweru tariki 03 Nyakanga 2022, umuvugizi w’uyu mutwe, Maj Willy Ngoma yavuze ko badateze kuva muri uyu Mujyi wa Bunagana.

Muri aya mashusho, uyu muvugizi wa M23 avuga ko FARDC idashobora kongera gukandagira muri uyu Mujyi wa Bunagana.

M23 iherutse kwambura FARDC imbunda zirimo n’zikomeye nyuma yo kubarasaho bagakwira imishwaro.