Abategetsi ba gisirikare bo mu bihugu bigize ishyirahamwe SADC ryo mu Majyepfo ya Afrika bari mu burasirazuba bwa Republika ya Demokrasi ya Congo kureba uko umutekano wifashe mu gihe amahanga agenda arushaho gukurikirana intambara irimo kuhabera.
Ishyirahamwe ry’ubumwe bw’Uburayi, EU, ryatangaje ko rigiye kohereza imfashanyo rikoresheje indege, mu gufasha ibihumbi n’ibihumbi by’abakuwe mu byabo kuva abarwanyi ba M23 bongera gutangiza intambara mu mezi make ashize.
Hashize imyaka cumi, (…)

Abategetsi ba gisirikare bo mu bihugu bigize ishyirahamwe SADC ryo mu Majyepfo ya Afrika bari mu burasirazuba bwa Republika ya Demokrasi ya Congo kureba uko umutekano wifashe mu gihe amahanga agenda arushaho gukurikirana intambara irimo kuhabera.

Ishyirahamwe ry’ubumwe bw’Uburayi, EU, ryatangaje ko rigiye kohereza imfashanyo rikoresheje indege, mu gufasha ibihumbi n’ibihumbi by’abakuwe mu byabo kuva abarwanyi ba M23 bongera gutangiza intambara mu mezi make ashize.

Hashize imyaka cumi, ibikorwa bya gisirikare bya SADC bifashije kwirukana muri icyo gihugu abarwanyi ba M23.

Ntibiramenyekana niba uru rugendo rwo kugenzura uko umutekano wifashe rushobora gutuma hoherezwa abasirikare ku rubuga rw’intambara, ariko n’ikimenyetso cy’uburyo iyo ntambara iraje ishinga amahanga.

Uretse abasirikare ba ONU barenga 12.000, igihugu cya Kenya hamwe n’ibindi byo mu karere ka Afrika y’uburasirazuba byohereje muri RDC ingabo.

Ihagarikwa ry’imirwano rigiye gushyirwa mu bikorwa mu minsi mike iri imbere.

Ariko urufunguzo rwo guhagarika iyo ntambara n’ugufasha mu kunga igihugu cya RD Congo n’u Rwanda ruzwi ko rushyigikiye abarwanyi ba M23. Ariko u Rwanda rukomeza kubihakana.

Ibyo bibaye mu gihe Uburundi buheruka gutangaza ko bugiye kohereza abasikare basaga ijana mu ntara ya Kivu ya ruguru mu burasirazuba bwa Republika ya Demokrasi ya Congo, aharangwa imitwe y’inyeshamba ibarirwa muri za mirongo.

BBC