skol

Abayobozi ba Kivu y’Amajyaruguru basabye abaturage kwima amatwi ubusabe bwa M23

Amakuru   Yanditswe na: Dusingizimana Remy 21 June 2022

Nyuma y’amasaha make umutwe wa M23 ufunguye ku mugaragaro umupaka wa Bunagana uhuza Uganda na RD Congo,ubuyobozi bwa Kivu y’Amajyaruguru bwasabye abaturage kutawukoresha ahubwo bagategereza igisubizo kiraza vuba.

Igikorwa cyo kongera gufungura uyu mupaka wa Bunagana ku mugaragaro cyabaye kuri uyu wa 20 Kamena 2022 kiyobowe n’Umuvugizi w’umutwe wa M23 Major Willy Ngoma.

Abaturage bambukaga nta kibazo ndetse batishisha umutwe wa M23 gusa ubuyobozi bwa Kivu y’Amajyaruguru bwasabye abantu kutambuka uyu mupaka.

Itangazo Guverinoma ya Kivu y’Amajyaruguru yasohoye kuri uyu wa 20 Kamena 2022, rigira riti “Guverinoma y’Intara ya Kivu y’Amajyaruguru, iramenyesha abafite ibikorwa by’ubukungu, abashinzwe umupaka, abacuruzi ko bibujijwe kugeza igihe hatanzwe itegeko rishya ryemerera ibicuruzwa byinjira n’ibisohoka binyuze ku mupaka wa Bunagana, kuri ubu ufitwe n’umutwe w’iterabwoba wa M23 ndetse n’ababari inyuma ari bo u Rwanda.”

Rikomeza rigira riti “Kuri iyo mpamvu, abantu bose bakora ubucuruzi, bashaka kunyura kuri uwo mupaka, bazafatwa nk’aho bakora mu buryo butemewe, bakorana n’abanzi kandi barenze ku itegeko.”

Guverinoma y’Intara ya Kivu y’Amajyaruguru yasabye ko abari bafite serivisi zijya muri Uganda, harebwa uburyo bafashwa.

Itangazo rivuga ko mu gihe gito ibintu bizongera gusubira mu buryo, Bunagana igasubira mu maboko y’ingabo za Leta, FARDC.

Umutwe wa M23 uvuga ko abaturage bari bahungiye muri Uganda bahisemo gusubira mu ngo zabo nyuma y’ibikorwa byo kubungabunga umutekano wabo byakozwe na M23.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ukraine n’Uburusiya bose bari kwiyitirira kugenzura Umujyi wa...

Umujyi wa Lysychansk uri mu burasirazuba bwa Ukraine nturimo kuvugwaho...
3 July 2022 1

US: Abapolisi batatu biciwe mu kurasana nabo bari bagiye guta muri...

Abapolisi batatu bishwe barashwe muri leta ya Kentucky muri Amerika, ubwo...
3 July 2022 0

Yabaye icyamamare mu gace kubera kubyara impanga inshuro 5 zikurikiranya

Ayopo Ogunleye, wateye inda z’impanga inshuro eshanu, asa nk’uwabaye...
2 July 2022 0

M23 yerekanye imbunda zikomeye yambuye FARDC inanyomoza ibyavugwaga ko...

Umutwe wa M23 waraye werekanye imbunda zikomeye watse igisirikare cya Congo...
2 July 2022 0

Perezida Tshisekedi yongeye kwanga ubufasha bwa RDF anakurira inzira ku...

Mu ijambo Perezida Felix Tshisekedi yagejeje ku banyekongo ku munsi wo...
2 July 2022 0

Ukraine: Ibisasu by’Uburusiya byishe abantu 21 hafi y’umujyi wa...

Abantu batari munsi ya 21, barimo n’umwana, bapfiriye mu gitero cy’ibisasu...
2 July 2022 0