skol

Afghanistan: Aba Taliban bakubise abagore bigaragambije basaba uburenganzira bwabo

Amakuru   Yanditswe na: Dusingizimana Remy 5 September 2021

Abategetsi b’aba Taliban bahagaritse imyigaragambyo y’abagore mu murwa mukuru Kabul basabaga uburengazira bwabo nyuma y’aho aba Taliban bafatiye ubutegetsi muri Afghanistani.


Aba bagore bavuga ko aba Taliban babateye ibyuka bijyana mu maso n’ibindi by’urusenda ubwo barimo bagerageza kwambuka ikiraro bajya ku ngoro y’umukuru w’igihugu.

Ariko aba Taliban bavuga ko iyo myigaragambyo yari yarenze inkombe, nk’uko ikinyamakuru Tolo cyo muri Afghanistani kibivuga.

Niyo myigaragambyo y’abagore yaherukaga mu yindi myinshi yabereye i Kabul na Herat.

Aba bagore bari bateguye iyi myigaragambyo basaba uburenganzira bwo gukora, gagashyirwa muri leta.

AbaTaliban bavuga ko mu minsi iri imbere bazatangaza leta yabo, bakavuga ko bashobora guhabwa imyanya ariko badashobora kuyobora za minisiteri.

Abagore benshi batinya ko bashobora gusubira gufatwa nabi nko mu bihe byashize ubwo aba Taliban bari ku butegetsi bwa mbere, hagati ya 1996 na 2001.

Icyo gihe, abagore bategekwaga kwipfuka mu maso hose iyo bari hanze yo mu rugo,kandi bagahabwa ibihano bikarishye no ku dukosa duto.

Umunyamakuru Azita Nazimi yabwiye Tolo ati: "Mu myaka 25 ishize,ubwo aba Taliban bazaga, bambujije kujya ku ishuri".

"Nyuma y’imyaka itanu y’ubutegetsi bwabo, nize imyaka 25 nongera ndakora cyane. Ku bw’ahazaza heza hacu, ntidushobora kwemera ko ibi bisubira".

Undi mugore wari mu myigaragambyo, Soraya, yabwiye Reuters ati: "Bakubise kandi abagore mu mutwe bakoresheje inyuma h’imbunda, abo bagore buzuye amaraso".

Hagati aho, intambara irakomeje ntara ya Panjshir, iri mu majyaruguru ashyira uburasirazuba bwa Kabul, aho inyeshamba zihanganye n’aba Taliban bashaka gufata ako karere.

Ariko buri ruhande rugenda rwemeza ko rwatsinze intambara. Aba Taliban bavuga ko bigaruriye utundi turere tubiri kandi ko barimo batera bajya ku murwa mukuru w’iyo ntara.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 13 biciwe mu bushyamirane bw’amoko muri RDC

Abantu 13 bapfiriye mu bushyamirane bw’amoko bwamaze iminsi itatu mu...
15 October 2021 0

Kenya: Umugabo wishe abana abana barenga 10 yishwe n’abaturage nyuma yo...

Umugabo wiyemereye ko yishe abana benshi hanyuma agatoroka polisi mu minsi...
15 October 2021 0

Kenya:Uwemeye ko yishe abana barenga 10 yatorotse kasho ya polisi

Umugabo wemeye ko yishe abana barenga 10 muri Kenya yatorotse kasho ya...
14 October 2021 0

Norvege: Umugabo witwaje umuheto n’imyambi yiraye mu mujyi yica abantu...

Umugabo witwaje umuheto n’imyambi yishe abantu batari bake yongera...
14 October 2021 0

Abacungagereza batawe muri yombi bazira gusambanya ku ngufu umugore wari...

Abacungagereza bo muri gereza ya Thika GK mu Ntara ya Kiambu muri Kenya...
13 October 2021 0

Burundi: Abasirikare babiri ba leta barimo Colonel biciwe mu mirwano...

Umusirikare w’ipeti rya ˮLieutenant Colonel ‟ witwa Nkurunziza Jean Marie...
12 October 2021 0