skol

Afghanistan:Abasirikare ba Leta bahungiye mu kindi gihugu nyuma yo guhabwa isomo n’Abatalibani

Amakuru   Yanditswe na: Dusingizimana Remy 6 July 2021

Abasirikare barenga 1,000 ba Afghanistan bahungiye mu gihugu baturanye cya Tajikistan nyuma y’imirwano n’intagondwa z’aba Taliban, nkuko abategetsi babivuze.


Abo basirikare basubiye inyuma bahungira hakurya y’umupaka "mu gukiza ubuzima bwabo", nkuko bikubiye mu itangazo ry’urwego rw’abarinda umupaka wa Tajikistan.

Urugomo rwariyongereye muri Afghanistan ndetse mu byumweru bya vuba aha bishize aba Taliban bakomeje kwigarurira ibice byinshi, by’umwihariko mu majyaruguru y’igihugu.

Uku kwiyongera kw’urugomo kuri kuba mu gihe ingabo z’Amerika, Ubwongereza n’ingabo z’ibindi bihugu by’inshuti zirimo kuva muri icyo gihugu nyuma y’imyaka 20 zari zihamaze.

Nyinshi mu ngabo z’amahanga zari zisigaye muri Afghanistan zamaze kuhava mbere y’igihe ntarengwa cyo mu kwezi kwa cyenda uyu mwaka.

Hari impungenge ko igisirikare cya Afghanistan, cyitezweho gusimbura izo ngabo z’amahanga mu gucunga umutekano, kizasenyuka.

Bijyanye n’amasezerano n’aba Taliban, Amerika n’inshuti zayo zo mu muryango w’ubwirinzi w’ibihugu by’i Burayi n’Amerika (NATO/OTAN) bemeranyijwe gucyura ingabo zose, intagondwa z’aba Taliban na zo zemera ko zizabuza ko hari umutwe n’umwe w’amatwara y’ubuhezanguni ukorera mu turere zigenzura.

Ariko aba Taliban ntabwo bemeye guhagarika kurwanya ingabo za Afghanistan, none ubu amakuru avuga ko bagenzura hafi kimwe cya gatatu cy’iki gihugu.

Iyi ni inshuro ya gatatu abasirikare ba Afghanistan bahungiye muri Tajikistan mu minsi itatu ishize, ndetse ni n’inshuro ya gatanu bahunze mu gihe cy’ibyumweru bibiri bishize. Bose hamwe, abasirikare hafi 1,600 ni bo bamaze kwambuka umupaka.

Aba basirikare bahunze ku wa mbere mu gitondo nyuma yo kurwana n’intagondwa z’aba Taliban mu ijoro, nkuko byavuzwe n’akanama k’umutekano w’igihugu ka Tajikistan.

Intara za Badakhshan na Takhar, zihana imbibi na Tajikistan, aba Taliban baziteyemo intambwe yihuse.

Ku wa mbere, umutegetsi wo ku rwego rwo hejuru wo muri Afghanistan yabwiye ibiro ntaramakuru Reuters ati:

"Aba Taliban baciye imihanda yose kandi aba bantu nta handi hantu bari bafite ho kujya uretse kwambuka umupaka".

Zabihullah Atiq, umudepite uturuka mu ntara ya Badakhshan, yavuze ko abo basirikare bahunze banyuze mu nzira zitandukanye.

Abarinda umupaka wa Tajikistan bavuze ko abo basirikare ba Afghanistan barimo guhabwa aho kuba ndetse n’ibiribwa, ariko nta yandi makuru yatanzwe.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uganda: Ikindi gisasu cyaturikiye muri Bisi yerekezaga hanze ya...

Igipolisi cya Uganda kirimo gukora iperereza ku gisasu cyaturikiye muri...
26 October 2021 0

Sudan: Abigaragambya bishwe abandi babarirwa muri za mirongo...

Abantu batari munsi ya batatu bitangazwa ko bapfuye naho abandi bagera kuri...
26 October 2021 0

Uganda: Igisasu cyahitanye umuntu umwe i Kampala cyigambwe na...

Polisi ya Uganda ivuga ko umuntu umwe yapfuye naho abandi batatu...
25 October 2021 0

Uganda: Igisasu cyaturikirijwe muri Bar-Resto abantu babiri bahasiga...

Mu ijoro ryo wa gatandatu, abapolisi ba Uganda bavuze ko umuntu umwe...
24 October 2021 0

Colombia: Umucuruzi w’ibiyobyabwenge wa mbere washakishwaga cyane...

Umucuruzi w’ibiyobyabwenge washakishwaga cyane muri Colombia wari unakuriye...
24 October 2021 0

Misile ya Koreya ya ruguru yatumye UN ikora inama y’igitaraganya

Inteko y’Umuryango w’Abibumbye ishinzwe umutekano ku isi yateranye byihutirwa...
21 October 2021 0