skol

Afghanistan: Amerika yatangiye kwihorera kuri ISIS yica intagondwa yayo

Amakuru   Yanditswe na: Dusingizimana Remy 28 August 2021

Leta Zunze Ubumwe z’Amerika zagabye igitero cy’akadege katarimo umupilote (drone) ku mutwe wiyita leta ya kisilamu (IS) mu burasirazuba bwa Afghanistan, zica intagondwa imwe yo muri uwo mutwe, nkuko abategetsi ba gisirikare babivuga.


Icyo gitero cya gisirikare cyagambiriye "uwacuze umugambi" w’igitero cy’i Kabul wo mu mutwe wa IS-K mu ntara ya Nangarhar.

Umutwe wa IS-K wigambye ko ari wo wagabye igitero i Kabul ku wa kane gishobora kuba cyariciwemo abantu bagera ku 170, barimo abasirikare 13 b’Amerika.

Amerika yavuze ko "amakuru y’ibanze" agaragaza ko igitero cyayo cyishe uwari ugambiriwe wo muri IS, kandi ko nta muturage w’umusivile wapfuye.

Perezida w’Amerika Joe Biden ku wa gatanu yasezeranyije guhiga intagondwa yiyitirira idini ya Islam yihishe inyuma y’igitero cy’umwiyahuzi witurikijeho igisasu ku wa kane.

IS-K, cyangwa Islamic State mu ntara ya Khorasan, yavuze ko yagabye icyo gitero, ni ishami ry’umutwe wa IS.

Ni cyo gitero cya mbere cy’ubuhezanguni bwinshi kandi kirimo ubugome bwinshi mu bitero byose byakozwe n’imitwe y’intagondwa yiyitirira Islam muri Afghanistan.

Icyo gitero cyo ku wa kane cyahuranyije mu bivunge by’abagabo, abagore n’abana hanze y’ikibuga cy’indege cya Kabul.

Abanya-Afghanistan babarirwa muri za mirongo bageragezaga guhunga igihugu barishwe. Uretse abasirikare b’Amerika bishwe, Abongereza babiri ndetse n’umwana uvuka ku Mwongereza na bo ni bamwe mu bishwe.

Ku wa gatanu, Perezida Biden yaburiye abakoze icyo gitero ati: "Ntabwo tuzabababarira, ntabwo tuzibagirwa. Tuzabahiga tubibaryoze".

Kugeza ubu ku kibuga cy’indege cya Kabul haracyari abasirikare b’Amerika bagera hafi ku 5,000, bagenzura Abanya-Afghanistan bahangayikishijwe no kubona uko bava mu gihugu.

Iki ni cyo gitero cya mbere cya drone gitangajwe ko cyakozwe n’Amerika muri Afghanistan kuva haba igitero cy’ubwiyahuzi cyo ku wa kane.

Kapiteni Bill Urban wo mu biro bikuru by’ingabo z’Amerika yagize ati: "Igitero cy’indege itarimo umupilote cyabereye mu ntara ya Nangarhar yo muri Afghanistan. Amakuru y’ibanze ni uko twishe uwari ugambiriwe".

"Nta baturage b’abasivile tuzi bapfuye".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kenya: Umugabo wishe abana abana barenga 10 yishwe n’abaturage nyuma yo...

Umugabo wiyemereye ko yishe abana benshi hanyuma agatoroka polisi mu minsi...
15 October 2021 0

Kenya:Uwemeye ko yishe abana barenga 10 yatorotse kasho ya polisi

Umugabo wemeye ko yishe abana barenga 10 muri Kenya yatorotse kasho ya...
14 October 2021 0

Norvege: Umugabo witwaje umuheto n’imyambi yiraye mu mujyi yica abantu...

Umugabo witwaje umuheto n’imyambi yishe abantu batari bake yongera...
14 October 2021 0

Abacungagereza batawe muri yombi bazira gusambanya ku ngufu umugore wari...

Abacungagereza bo muri gereza ya Thika GK mu Ntara ya Kiambu muri Kenya...
13 October 2021 0

Burundi: Abasirikare babiri ba leta barimo Colonel biciwe mu mirwano...

Umusirikare w’ipeti rya ˮLieutenant Colonel ‟ witwa Nkurunziza Jean Marie...
12 October 2021 0

Ethiopia: Ingabo za leta zagabye igitero simusiga mu bice byose birimo...

Igisirikare cya Ethiopia cyatangiye ibitero bikomatanye mu bice byose ku...
12 October 2021 0