Leta zunze ubumwe z’Amerika ihangayikishijwe n’igihano guverinoma y’u Rwanda yahaye Paul Rusesabagina, ufite uburenganzira bwo gutura muri Amerika bwemewe n’amategeko.
Ibi bikubiye mu itangazo umuvugizi wa minisiteri y’ububanyi n’amahanga ya Leta zunze ubumwe z’Amerika, Ned Price,yashyize hanze urubanza rwa Rusesabagina rukimara gusomwa mu rukiko rukuru rw’u Rwanda kuri uyu wa mbere.
Aragira, ati: "Amakuru y’uko habuze umucyo muri uru rubanza ateye kwibaza ku kuri kw’igihano yakatiwe.Ntitwahwemye (...)

Sponsored Ad

Leta zunze ubumwe z’Amerika ihangayikishijwe n’igihano guverinoma y’u Rwanda yahaye Paul Rusesabagina, ufite uburenganzira bwo gutura muri Amerika bwemewe n’amategeko.

Ibi bikubiye mu itangazo umuvugizi wa minisiteri y’ububanyi n’amahanga ya Leta zunze ubumwe z’Amerika, Ned Price,yashyize hanze urubanza rwa Rusesabagina rukimara gusomwa mu rukiko rukuru rw’u Rwanda kuri uyu wa mbere.

Aragira, ati: "Amakuru y’uko habuze umucyo muri uru rubanza ateye kwibaza ku kuri kw’igihano yakatiwe.Ntitwahwemye kumvikanisha ko amategeko arengera Rusesabagina agomba kubahirizwa. Ntitwahwemye kugaragaza impungenge zacu ko bidakorwa dukurikije ibyo u Rwanda rwiyemeje mu rwego mpuzamahanga.

Dufite impungenge kubera ko Rusesabagina yangiwe abavoka be n’ibanga rigendana nabyo, yangiwe uburenganzira bwo kubona inyandiko zikomeye zo muri dosiye ye."

Muri iri tangazo, umuvugizi wa minisiteri y’ububanyi n’amahanga ya Leta zunze ubumwe z’Amerika arakomeza, ati: "Dusabye dukomeje guverinoma y’u Rwanda gusuzuma neza ibi byose kugirango bitazasubira ukundi."

Urukiko rukuru i Kigali rwategetse ko Paul Rusesabagina afungwa imyaka 25, naho Callixte Nsabimana alias Sankara wari umuvugizi w’umutwe wa FLN agafungwa imyaka 20.

Urukiko rwahamije Rusesabagina na Sankara bimwe mu byaha baregwa by’iterabwoba, rubagira abere ku cyaha cyo kurema umutwe w’ingabo utemewe.

Urukiko rwavuze ko bombi bagiye bemera bimwe mu byaha baregwa bakanabisabira imbabazi, nk’impamvu nyoroshyacyaha.

Umucamanza yavuze ko Rusesabagina - wivanye mu rubanza ntaburane mu mizi - ibyo yemeye yabyemereye mu iburanisha ku ifungwa n’ifungurwa ry’agateganyo.

Rusesabagina yahamijwe ibyaha byo kuba mu mutwe w’iterabwoba no gukora iterabwoba, ariko yagizwe umwere ku cyaha cyo kurema umutwe w’ingabo utemewe, rumuhanisha gufungwa imyaka 25.

Nsengimana Herman wabaye umuvugizi wa FLN asimbuye ’Sankara’ yahamijwe kuba mu mutwe w’iterabwoba ahanishwa gufungwa imyaka itanu.

Iki ni nacyo gihano cyahawe Mukandutiye Angelina umugore wenyine uregwa muri uru rubanza.

Abandi baregwa muri uru rubanza nabo bagiye bagabanyirizwa ibihano biri hagati y’imyaka 20 n’imyaka itatu.

Muri uru rubanza, uretse babiri mu baregwa, abandi bose bategetswe kuzariha indishyire zose hamwe zirenga miliyoni 400 y’u Rwanda, mu bantu barenga 30 na kompanyi ebyiri baregeye indishyi.

Rusesabagina - n’uyu munsi utari mu rukiko - yivanye mu rubanza mu kwezi kwa gatatu avuga ko ’nta butabera yiteze muri uru rukiko’.