Abaturage babarirwa muri za mirongo biciwe mu gitero cyabaye mu ijoro ryacyeye i Beni mu burasirazuba bwa Repubuika ya Demokarasi ya Congo.
Intagondwa zagabye icyo gitero zari zitwaje ibyuma (cyangwa imbugita mu Kirundi) n’imihoro (imipanga), nkuko bivugwa n’ibiro ntaramakuru Reuters, bisubiramo amagambo y’umutegetsi wo muri ako karere avuga ko abapfuye bagera kuri 22.
Abandi bantu benshi bivugwa ko bashimutiwe muri icyo gitero.
Bivugwa ko umutegetsi w’agace ka Kisima na we yiciwe muri (…)

Abaturage babarirwa muri za mirongo biciwe mu gitero cyabaye mu ijoro ryacyeye i Beni mu burasirazuba bwa Repubuika ya Demokarasi ya Congo.

Intagondwa zagabye icyo gitero zari zitwaje ibyuma (cyangwa imbugita mu Kirundi) n’imihoro (imipanga), nkuko bivugwa n’ibiro ntaramakuru Reuters, bisubiramo amagambo y’umutegetsi wo muri ako karere avuga ko abapfuye bagera kuri 22.

Abandi bantu benshi bivugwa ko bashimutiwe muri icyo gitero.

Bivugwa ko umutegetsi w’agace ka Kisima na we yiciwe muri icyo gitero, nkuko bivugwa n’umutegetsi wo muri ako karere wavuganye n’ibiro ntaramakuru Anadolu.

Abahatuye begetse icyo gitero ku mutwe wa Allied Democratic Forces (ADF), umutwe w’inyeshyamba ukomoka muri Uganda ukorera mu burasirazuba bwa DR Congo kuva mu myaka ya 1990. Nta cyo wo urabitangazaho.

Kuva mu kwezi kwa cumi na kumwe mu 2019, abantu barenga 1200 bamaze kwicirwa i Beni, nkuko bivugwa n’ikigo Kivu Security Tracker kigenzura ibijyanye n’umutekano muri ako karere.

BBC