Hari kunuganugwa ko M23 yaba imaze kurambwirwa uburyo Leta ya Felix Tshisekedi igenda biguru ntege mu byumvikanweho haba Nairobi, Luanda , Addis Ababa n’ahandi bityo ko uyu mutwe mu minsi itari myinshi ushobora gutangiza intambara karundura yo guhirika ubutegetsi.
Bimaze iminsi bivugwa ko M23 yemeye guhagarika intambara ariko igisirikare cya FARDC gikomeje kubatera mu birindiro byabo nkuko n’uyu mutwe ubitangaza.
Bivugwa ko ejo kuwa 5 Werurwe 2023,umutwe w’inyeshyamba wa Mai (…)

Hari kunuganugwa ko M23 yaba imaze kurambwirwa uburyo Leta ya Felix Tshisekedi igenda biguru ntege mu byumvikanweho haba Nairobi, Luanda , Addis Ababa n’ahandi bityo ko uyu mutwe mu minsi itari myinshi ushobora gutangiza intambara karundura yo guhirika ubutegetsi.

Bimaze iminsi bivugwa ko M23 yemeye guhagarika intambara ariko igisirikare cya FARDC gikomeje kubatera mu birindiro byabo nkuko n’uyu mutwe ubitangaza.

Bivugwa ko ejo kuwa 5 Werurwe 2023,umutwe w’inyeshyamba wa Mai Mai,abacancuro bayobowe na Gen.Jean Marie ufatanije na FDLR,babyutse bamisha amasasu menshi ku birindiro bya M23 biri mu gace ka Karengera no mu misozi ya Bukumba .

Ababyiboneye n’amaso ,bavuga ko imirongo y’abarwanyi b’umutwe wa Mai Mai ACDH/Abazungu ufatanyije n’inyeshyamba za FDLR ziyobowe na Maj.Inkodos Silencieux ushinzwe ibikorwa bya Operasiyo muri FDLR/CRAP, aribo batangije intambara ku birindiro bitandukanye by’inyeshyamba za M23.

Kuri uwo munsi nanone guhera ku isaha ya saa kumi n’ebyiri za mu gitongo(06h00), imirwano yakomereje mu tundi duce aho FARDC ifatanyije na FDLR CMC Nyatura,APCLS,ACDH/Abazungu, bagabye ibitero ku birindiro bya M23 biherereye hafi y’umujyi wa Sake mu gace ka Kingi ,ku murongo wa Sake-Kirolirwe-Kitchanga, mu duce twa Malehe na Neenero mu byerekezo bya Sake-Mushaki ndetse no mu duce twa Karuba ahagana kuri Sake-Ngungu.

Ibi bikomeje kurakaza M23 ko leta ya RDC idashaka amahoro ariyo mpamvu ngo nabo bashaka gushoza intambara igamije guhirika ubutegetsi.

Mu minsi ishize,umuvugizi wa M23 mu by’ubutegetsi Canisius yatangaje ko nabo bifuza ubutegetsi kuko ari abanyekongo nka Tshisekedi n’abandi.

Rwanda Tribune ivuga ko indi mirwano ihuje M23 na FARDC,yabereye ku misozi iri hagati ya Mushaki na Kaliba mu isantere, muri Gurupoma ya Kamulonsa.

Iyi mirwano ikaze ngo yakomerekeyemo abasirikare benshi ba FARDC,abandi benshi bahasiga ubuzima, amakamyo yiriwe abatwara abaijyana mu bitaro bya CBCA, abandi indege yabajyanye mu bitaro by’i Kinshasa.

M23 kandi, ikomeje gushinja FARDC kurasa mu duce igenzura ikica Abaturage ,inka n’indi mitungo yabo.

Mu gihe byari byitezwe ko imirwano ishobora guhosha nyuma yaho M23 itangaje ko yiteguye guhagarika iyo mirwano bitarenze kuwa 7 Werurwe 2023, benshi bakomeje kugira urujijo niba koko M23 izemera guhagarika iyi mirwano .