Ku mugoroba wo kuri uyu wa gatanu, abasirikare bitwaje intwaro bamwe banambaye masike bagaragaye kuri televiziyo ya Burkina Faso bemeza ihirikwa ku butegetsi ry’uwari Perezida Paul-Henri Damiba.
Irihirikwa ribaye irya kabiri muri uyu mwaka muri iki gihugu cya Afurika y’iburengerazuba.
Iyi kudeta yakozwe na Captain Ibrahim Traoré ayikorera Lt Col Paul-Henri Sandaogo Damiba,nawe wari wayikoreye umusivili Roch Kaboré ku wa 31/01/2022.
Uyu Damiba ategetse amezi make kuva kuwa 31/01/2022 kugeza (...)

Sponsored Ad

Ku mugoroba wo kuri uyu wa gatanu, abasirikare bitwaje intwaro bamwe banambaye masike bagaragaye kuri televiziyo ya Burkina Faso bemeza ihirikwa ku butegetsi ry’uwari Perezida Paul-Henri Damiba.

Irihirikwa ribaye irya kabiri muri uyu mwaka muri iki gihugu cya Afurika y’iburengerazuba.

Iyi kudeta yakozwe na Captain Ibrahim Traoré ayikorera Lt Col Paul-Henri Sandaogo Damiba,nawe wari wayikoreye umusivili Roch Kaboré ku wa 31/01/2022.

Uyu Damiba ategetse amezi make kuva kuwa 31/01/2022 kugeza 30/9/ 2022.

Ibihugu byo mu Burengerazuba bwa Afurika bikomeje kubaka izina mu guhirika ubutegetsi kuko ziheruka kuba muri Mali,Guinea Conakry na Burkina Faso.

Ejo Reuters yatangaje ko amasasu yumvikanye mu nkengero z’ibiro by’umukuru w’igihugu, ayandi yumvikana ahari ikigo gikuru cya gisirikare no muri amwe mu ma karitsiye ya Ouagadougou.

Perezida mushya Traore yagaragaye kuri televiziyo akikijwe n’abasirikare atangaza ko guverinoma isheshwe, itegeko nshinga rihagaritswe kandi imipaka ifunzwe. Yatangaje ko hagomba kuba umukwabu nijoro.

Traore yavuze ko itsinda ry’abasirikare bafashije Damiba gufata ubutegetsi muri Mutarama bahisemo kumukuraho kubera ko atashoboye guhangana n’ibyihebe by’abayisilamu. Damiba nawe yahiritse uwahoze ari Perezida Roch Kabore kubera iyo mpamvu.

Irengero rya Damiba ntiriramenyekana kuva kuwa Gatanu.

Itangazo ryashyizweho umukono na Traore ariko ryasomwe n’undi mu musirikare kuri televiziyo rigira riti: "Kubera guhangana n’ibihe bibi bigenda byiyongera, twagerageje inshuro nyinshi kugira inama Damiba yo guhindura inzego z’umutekano."

Iri tangazo rivuga ko Damiba yanze icyifuzo cy’abo basirikare cyo kuvugurura ingabo ahubwo ko yagumishijeho inzego za gisirikare zari zatumye bahirika ubutegetsi bwa Kabore.

Yakomeje ati"Ibikorwa bya Damiba byatwemeje buhoro buhoro ko ibyifuzo bye bitandukanye n’ibyo twiyemeje gukora. Twahisemo uyu munsi gukuraho Damiba".

Iri tangazo rivuga ko abafatanyabikorwa b’igihugu baratumirwa vuba kugira ngo bemeze gahunda nshya y’inzibacyuho kandi bashyireho perezida mushya w’umusivili cyangwa umusirikare.

Burkina Faso yabaye indiri y’ihohoterwa rikorwa n’imitwe ifitanye isano na al Qaeda na Leta ya Kisilamu [IS] yatangiriye mu gihugu cy’abaturanyi cya Mali mu 2012 ikwira no mu bindi bihugu byo muri Afurika y’iburengerazuba, mu majyepfo y’ubutayu bwa Sahara.

Ibihumbi by’abaturage bamaze kugwa mu bitero byagabwe ku baturage bo mu cyaro kandi miliyoni z’abantu zahatiwe guhunga. Muri iki cyumweru, byibuze abasirikare 11 baguye mu gitero cyagabwe mu majyaruguru ya Burkina Faso. Abasivili benshi baburirwa irengero.