skol

Burundi: Abarundi bafite amasambu bananiwe guhinga bagiye kuyamburwa

Amakuru   Yanditswe na: Dusingizimana Remy 22 March 2022

Umukuru w’igihugu cy’Uburundi yatangaje ko umuntu wese ashobora kwirukanwa mu butaka bwe mu gihe Leta irikeneye ku nyungu z’igihugu.

Perezida Ndayishimiye yamenyesheje abantu bose bafite amasambu yarengewe n’ibyatsi kubera kudahingwa ko bazahabwa ibihano byo kuyakwa,maze bayahe abashoboye kuyahinga mu rwego rwo kurwanya burundu inzara mu gihugu.

Ibi Perezida Ndayishimiye yabitangaje kuwa 19 Gashyantare 2022, ubwo yabonana n’Abarundi batuye mu Bubirigi no mu nkengero zaho.

Yagize ati "Iyo bakwimuye hari amategeko abigenga, iwawe ni iwacu kuko nah’igihugu . Ndagira ngo mbabwire ko ubu kubera twahagurukiye ubuhinzi , ubu n’umuntu ufite ubutaka adahinga cyane mu minsi iri imbere muzabibona tuzamuhana.None twicwe n’inzara hariho ubutaka?

Wanze guhinga, turishyura abahinga itongo ryawe, umunsi washatse guhinga tugusubize itongo ryawe".

Nkuko amakuru dukesha UBM News abitangaza,nyuma y’ibyo byatangajwe na Perezida w’Abarundi , Guverineri w’Intara ya Bururi yahise atangira gushyira mu bikorwa uwo mwanzuro w’umukuru w’igihugu,aho mu cyumweru gishize yategetse abaturage ayoboye ko abafite amasambu adahinze bagiye kuyamburwa agahabwa Leta.

Muri iryo tangazo, Colonel Léonidas Bandenzamaso yatangaje ko ibiti byose by’inturusu biteye mu bice bitandukanye byo muri iyo ntara bigiye gutemwa maze bigasimbuzwa iby’ubundi bwoko.

Abayobozi batandukanye bahawe kugeza tariki ya mbere Kamena uyu mwaka kuba bamaze gushyira mu bikorwa iyo myanzuro yafashwe.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uburusiya bwigaruriye Umujyi wa Mariupol:Abasirikare ba nyuma ba Ukraine...

Urugamba rwo mu mujyi wo ku cyambu wa Mariupol mu majyepfo ya Ukraine...
18 May 2022 0

Umunyamategeko wa Sgt Robert Kabera afite impungenge ko ’ashobora koherezwa...

Umunyamategeko w’umusirikare w’u Rwanda wahungiye muri Uganda yandikiye...
18 May 2022 0

Turukiya:Perezida Erdogan yiyemeje guhangayikisha Finland na Sweden bishaka...

Perezida wa Turukiya yongeye kuvuga ko adashyigikiye ko Finland na Suède...
17 May 2022 0

Impamvu yateye igihugu cya Mali kwikura muri G5 Sahel yamenyekanye

Igihugu cya Mali cyatangaje ko kivuye mu ihuriro ry’ibihugu byo mu...
16 May 2022 0

Ukraine yigambye kwisubiza Kharkiv no kwica ingabo 27000 z’Abarusiya

Ikigo cyigisha ibijyanye n’intambara Institute for the Study of War,...
14 May 2022 0

AMERICA yaburiye ibitero by’ibyihebe mu burasirazuba bwa Congo

Guverinoma ya Amerika yaburiye ko hari ibitero by’abiyahuzi bishobora gutera...
13 May 2022 0