Ingoro y’ishyaka CNL y’ahitwa Ruringe,muri Komine Muhuta,Intara ya Rumonge yasenywe mu ijoro rishyira ku Cyumweru tariki 17/12/2023 saa tanu zirenga z’ijoro.

Nkuko byemezwa na bamwe mu bayobozi b’iri shyaka, ngo abasenye iyo ngoro y’ishyaka CNL batamenyekanye bagiye bibye intama eshatu z’umurwanashyaka waryo aho imwe yabatorotse igaruka mu rugo.

Ibi biri kuba mu gihe iri shyaka CNL ritemerewe gukorera mu Burundi.

Umuyobozi waryo Agathon Rwasa atangaza ko nta mugambi wo gushinga irindi shyaka afite mu gihe amatora ya 2025 y’abadepite n’abasenateri yagera ritaremererwa kongera gukora.