skol

DRC: Abarenga 30,000 bahunze imirwano yo ku cyumweru i Bunagana

Amakuru   Yanditswe na: Dusingizimana Remy 13 June 2022

Abarenga 30,000 bavuye mu byabo bahunga imirwano yo ku cyumweru hagati y’ingabo za leta, FARDC, n’inyashyamba za M23 i Bunagana n’inkengero zayo muri teritwari ya Rutshuru y’intara ya Kivu ya ruguru,nk’uko bivugwa na ONU.

Nyuma y’imirwano ikomeye umujyi wa Bunagana uragenzurwa n’ingabo za leta nk’uko zibivuga mu itangazo.

Buri ruhande rushinja urundi ko ari rwo rwatangije iyi mirwano yatumye abaturage barenga 5,000 bahunga Bunangana n’inkengero zayo bakerekaza muri Uganda, nk’uko ONU ibivuga.

Croix Rouge ya Uganda ivuga ko hakenewe ubufasha butandukanye ku bahunze imirwano yo ku cyumweru.

Abandi barenga 25,000 nabo bavuye mu byabo ku cyumweru bajya ku mashuri n’insengero y’i Rwanguba, Kabindi na Kinoni muri tritwari ya Rutshuru, nk’uko bivugwa n’ibiro bya ONU bishinzwe ubutabazi, OCHA.

Mu ijoro ryo ku cyumweru umuvugizi wa M23 yabwiye BBC ko muri iriya mirwano bishe abasirikare benshi ba FARDC abandi bagahunga.

Abajijwe niba ari bo bagenzura umijyi wa Bunagana, Willy Ngoma yasubije ati: “Reka dutegereza urwego rwacu rw’iperereza [ibyo ruvuga], turakora raporo yuzuye.”

FARDC ivuga ko yasubije inyuma ikanakurikirana abarwanyi ba M23 bari bateye Bunagana kandi ko “basize inyuma imirambo myinshi”.

Itangazo rya FARDC rivuga ko mu mirwano yo ku cyumweru bafashijwe n’indege za gisirikare za MONUSCO.

FARCD kandi yongera gushinja u Rwanda gufasha umutwe wa M23 kugerageza gufata Bunagana, leta y’u Rwanda yagiye isubiramo ko idafasha umutwe wa M23.

Itangazo ry’ingabo rya FARDC ryo ku cyumweru nijoro rivuga ko muri iyi mirwano zapfushije Major Eric Kiraku Mwisa wari ushinzwe umutekano wa Gen.Major Peter Cirimwami ukuriye ingabo ziri kuri uru rugamba.

Zivuga ko uyu yiciwe “mu gico cyatezwe n’umwanzi ku muhanda werekeza i Bunagana”.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ukraine n’Uburusiya bose bari kwiyitirira kugenzura Umujyi wa...

Umujyi wa Lysychansk uri mu burasirazuba bwa Ukraine nturimo kuvugwaho...
3 July 2022 1

US: Abapolisi batatu biciwe mu kurasana nabo bari bagiye guta muri...

Abapolisi batatu bishwe barashwe muri leta ya Kentucky muri Amerika, ubwo...
3 July 2022 0

Yabaye icyamamare mu gace kubera kubyara impanga inshuro 5 zikurikiranya

Ayopo Ogunleye, wateye inda z’impanga inshuro eshanu, asa nk’uwabaye...
2 July 2022 0

M23 yerekanye imbunda zikomeye yambuye FARDC inanyomoza ibyavugwaga ko...

Umutwe wa M23 waraye werekanye imbunda zikomeye watse igisirikare cya Congo...
2 July 2022 0

Perezida Tshisekedi yongeye kwanga ubufasha bwa RDF anakurira inzira ku...

Mu ijambo Perezida Felix Tshisekedi yagejeje ku banyekongo ku munsi wo...
2 July 2022 0

Ukraine: Ibisasu by’Uburusiya byishe abantu 21 hafi y’umujyi wa...

Abantu batari munsi ya 21, barimo n’umwana, bapfiriye mu gitero cy’ibisasu...
2 July 2022 0