skol

Ethiopia:Ingabo za Leta zambuye Inyeshyamba umujyi w’umurage w’isi wa Lalibela

Amakuru   Yanditswe na: Dusingizimana Remy 2 December 2021

Ingabo za leta ya Ethiopia zisubije umujyi ndangamateka wa Lalibela wari warigaruriwe n’inyeshyamba zo muri Tigray, nk’uko leta ibivuga.

Iyi ni intsinzi iheruka kwigambwa na leta kuva Minisitiri w’Intebe Abiy Ahmed ubwe yajya kuyobora urugamba mu cyumweru gishize.

Tigray People’s Liberation Front (TPLF) yatangaje ko yakoze "gusubira inyuma yateguye" ikava ahantu hamwe na hamwe.

Lalibela, izwi cyane kubera insengero zubatse mu rutare zo mu kinyejana cya 13, yari yarafashwe n’izi nyeshyamba mu kwezi kwa munani.

Ni ahantu ndangamateka y’isi hagenwe na UNESCO hari mu karere ka Amhara, hakururaga abakerarugendo benshi mbere y’iyi ntambara y’imbere mu gihugu yatangiye umwaka ushize.

Yahereye mu majyaruguru mu ntara ya Tigray, nyuma ikwira ibindi bice bya Ethiopia ubwo TPLF yagabaga ibitero ngo igere kuri Addis Ababa mu majyepfo.

Ubwoba bw’uko izi nyeshyamba zari hafi kwinjira i Addis bwatumye ibihugu birimo Amerika, n’Ubwongereza bisaba abaturage babyo kuva muri Ethiopia mu cyumweru gishize.

Ariko ibihugu nk’Ubushinwa n’Uburusiya byo byavuze ko nta mpamvu y’uko abaturage babyo bataha.

Kuwa gatatu mu gitondo, umuvugizi wa leta Legesse Tulu yasubiwemo n’ikinyamakuru cya leta avuga ko ingabo zizeye no kwisubiza umujyi w’ingenzi wa Dessie "mu gihe gito".

TPLF yafashe Dessie mu kwezi gushize, ibyabonetse nko gutsindwa gukomeye kuri leta kuko uwo mujyi uri mu masanganzira zijya i Addis Ababa n’ijya ku mupaka wa Djibouti, iburasirazuba.

Indi mijyi yambuwe TPLF irimo Shewa Robit, muri 220km uvuye i Adds Ababa, nk’uko leta ibivuga.

Televiziyo ibogamiye kuri leta kuwa kabiri yatangaje amashusho ya Abiy Ahmed mu myambaro ya gisirikare, ari kureba hakurya kure yifashishije indebakure.

Yabwiye abasirikare bicaye munsi y’ibiti ati: "Umwanzi yatsinzwe. Igisigaye ni ukubirukana no kubasenya."

Mu cyumweru gishize, umukuru wa TPLF Debretsion Gebremichael yandikiye ONU, avuga impungenge batewe n’ibitero bya ’drones’ ku basivile.

Ethiopia yakiriye drones z’Ubushinwa, hamwe n’intwaro zivuye muri Iran, Turkiya na Emira Zunze ubumwe z’Abarabu (UAE), nk’uko Debretsion yabivuze.

Nta gisubizo cyatanzwe ku byo yavuze.

Minisitiri w’ububanyi n’amahanga w’Ubushinwa Wang Yi ubu ari mu ruzinduko mu Bushinwa.

Byitezwe ko ahura na visi minisitiri w’intebe Demeke Mekonnen, wasigaye ku butegetsi mu gihe Abiy Ahmed ari ku rugamba.

Ubushinwa bwamaganye "ukwivanga kw’amahanga" mu ntambara ya Ethiopia mu gihe leta ya Abiy yari ku gitutu cya Amerika n’ibihugu bimwe by’Iburayi ku nkuru z’ihonyangwa ry’uburenganzira bwa muntu muri iyi ntambara.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uburakari muri Nigeria nyuma y’iyicwa ry’umwana w’umukobwa w’imyaka...

Itahurwa ry’umurambo watangiye kwangirika w’umunyeshuri w’umukobwa w’imyaka...
22 January 2022 0

Perezida Nyusi yasuye ingabo z’u Rwanda ziri i Afungi na Palma...

Ku wa Gatanu, Perezida wa Mozambique, Filipe Nyusi yasuye Ingabo z’u Rwanda...
22 January 2022 0

Ghana: Abantu benshi baburiye ubuzima mu guturika gukomeye kwatewe...

Abantu bagera kuri 17 bamaze kubarurwa ko bapfiriye mu guturika guhambaye...
21 January 2022 0

Liberia: Abantu 29 bapfiriye mu mubyigano wabereye mu Kiliziya

Minisiteri y’itangzamakuru muri Liberiya ivuga ko abantu bagwiriranye mu...
20 January 2022 0

RDC: Inyeshyamba za Mai Mai zishe abasirikare ba Leta batatu...

Abasirikare batatu ba leta ya Kongo barimo ufite ipeti rya Majoro baguye mu...
18 January 2022 0

Ubwongereza bwemeje ko burimo kohereza intwaro zo kurwana kuri...

Ubwongereza burimo koherereza Ukraine ibisasu bya misile biraswa mu ntera...
18 January 2022 0