skol

Ethiopia – Tigray: Inyeshyamba ziyemeje gukurikirana ingabo za leta kugeza Addis Abeba

Amakuru   Yanditswe na: Dusingizimana Remy 12 August 2021

Umuvugizi w’inyeshyamba zo muri Tigray mu majyaruguru ya Ethiopia yabwiye BBC ko zizakomeza gukurikirana ingabo za leta n’imitwe yitwaje intwaro izifasha, n’iyo ibyo byaba bivuze kuzikurikirana kugeza mu murwa mukuru Addis Abeba.


Getachew Reda avuga ko intego yabo ari uguhatira leta ya Ethiopia gukuraho uruzitiro rw’ingabo ku karere ka Tigray, aho imirongo y’itumanaho yaciwe n’ibikorwa byo gutanga imfashanyo bigatambamirwa, muri iyi ntambara imaze amezi icyenda.

Leta ya Ethiopia yahakanye ibirego by’uko yahagaritse serivisi zitandukanye ntizigere muri Tigray.

Amerika yasabye inyeshyamba zo muri Tigray - zibumbiye mu mutwe wa Tigray Defence Forces (TDF) uhuriwemo na Tigray People’s Liberation Front (TPLF) n’indi mitwe yitwaje intwaro yaho - kuva mu turere twa Amhara na Afar bahana imbibi.

Muri utwo turere ni ho imirwano yerekeje mu byumweru bya vuba aha bishize.

Abarwanyi bo muri Tigray bamaze gufata ibice byinshi, none ubu baranavuga ko bafashe umujyi wa Weldiya, uri ku ntera ya kilometero 700 mu majyaruguru y’umurwa mukuru w’igihugu.

Leta ya Ethiopia yashinje inyeshyamba zo muri Tigray kugerageza guhungabanya umudendezo w’igihugu.

Imirwano yakajije umurego kuva mu kwezi kwa gatandatu ubwo inyeshyamba zisubizaga igice kinini cya Tigray harimo n’umurwa mukuru wayo Mekelle.

Ishyaka rya TPLF ni ryo ryari ku butegetsi mu karere ka Tigray mbere yuko rihirikwa n’ingabo za leta ya Ethiopia mu kwezi kwa cumi na kumwe mu 2020.

Abakuru ba TPLF bashwanye na Minisitiri w’intebe Abiy Ahmed ku bijyanye n’amavugurura muri politiki, nubwo kuba TPLF yarafashe ibigo bya gisirikare by’ingabo za leta byo muri Tigray ari yo yabaye imbarutso y’igitero leta yayigabyeho.

Leta ya Ethiopia ivuga ko TPLF ari umutwe w’iterabwoba, ariko TPLF yo ivuga ko ari yo leta y’akarere ka Tigray yemewe n’amategeko.

Bwana Getachew, umuvugizi wa TPLF, yabwiye BBC ko icyo bashaka atari ukugira ahantu bigarurira cyangwa ngo bahindure leta iriho, ko ahubwo bashaka kurinda abaturage ba Tigray.

Yavuze ko batazava mu turere duhana imbibi na Tigray, keretse ibyo basaba bibanje kubahirizwa.

Ku wa kabiri, Minisitiri w’intebe Abiy Ahmed yasabye Abanya-Ethiopia bakuze "bose bashoboye" kujya mu gisirikare cya leta bagafasha mu kurwanya inyeshyamba zo muri Tigray.

Bwana Getachew yabwiye BBC ko uko gusaba abaturage gufata intwaro bizatuma ababarirwa mu bihumbi bahasiga ubuzima.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RDC: Abitwaje intwaro bateze imodoka yari igemuriye impunzi bica abantu...

Muri Repubulika ya Demokarasi ya Kongo,abitwaje intwaro bataramenyakana...
2 December 2021 0

RDC:MONUSCO irashaka kugenzura ibitero by’ingabo za Uganda n’iza DR Congo...

Ingabo za ONU ziri mu butumwa bwiswe MONUSCO mu burasirazuba bwa DR Congo...
2 December 2021 0

Ethiopia:Ingabo za Leta zambuye Inyeshyamba umujyi w’umurage w’isi wa...

Ingabo za leta ya Ethiopia zisubije umujyi ndangamateka wa Lalibela wari...
2 December 2021 0

RDC yemeje ko ingabo za Uganda ziri ku butaka bwayo guhangana na...

Igisirikare cya DR Congo cyemeje ko kiri gufashwa n’icya Uganda mu bitero ku...
1 December 2021 0

Uganda: Uwacuruje insenene mu ndege ya Uganda Airlines n’uwamufotoye batawe...

Umugabo ushinjwa gucuruza insenene mu ndege ya Uganda Airlines hamwe...
30 November 2021 0

Ingabo za Uganda zigiye kwerekeza muri RDC guhangana na ADF

Ingabo za Uganda UPDF zahawe uburenganzira bwo kujya muri Congo na Perezida...
29 November 2021 0