Inzego zishinzwe umutekano muri Etiyopiya, ku munsi w’ejo zatangaje ko zafashe abantu 47 bakekwaho kugira uruhare mu iyicwa ry’umukuru w’ishyaka riri ku butegetsi.

Sponsored Ad

Ni ishyaka rya minisitiri w’intebe, Abiy Ahmed ubu uri gushinjwa guhirika ubutegetsi.

Girma Yeshitila,uyoboye ishyaka mu ntara ya Amhara, yishwe ari kumwe n’abandi bane mu gitero cyabaye ku wa kane w’icyumweru gishize.

Abo bantu 47 bafashwe bikekwa ko ari bamwe mu bakora ibikorwa by’iterabwoba, dore ko banafatanywe intwaro zitandukanye zirimo, amabombe n’ibikoresho by’itumanaho nk’uko inzego z’umutekano zabivuze.

Abo bantu bikekwa bakoranye n’abanyagihugu n’abandi bari hanze mu mugambi mu bisha wo kwigarurira intara ya Amhara,bagamije guhirika ubutegetsi.

Ni umugambi bateganyaga kuzageraho binyuze mu kwica abategetsi bakomeye umwe ku wundi cyane abo mu bwoko bw’ab’Amhara.

Itangazo ryasohowe n’urwego rushinzwe umutekano muri Ethiopiya rivuga ko iyicwa rya Girma ryakozwe n’abo bantu rivuga ko ari intagondwa.

Girma, n’inshuti y’ishyaka riri ku butegetsi muri Etiyopiya, “Prosperity Party”,yishwe atotejwe n’izi ntagondwa zabo mu bwoko bw’ Amhara nk’uko babigaragaje ku mbuga nkoranya mbaga.

Amakuru muri leta ya Amhara avuga ko intagondwa zatatse imodoka y’umutegetsi Girma,yari kumwe n’abamurinze n’umuryango we bose bagirirwa nabi.
FRICA NEWS