Abacancuro b’Abarusiya bazwi ku izina rya Wagner bagaragaye batembera mu mujyi wa Goma bari kumwe n’ingabo za FARDC mu modoka.
Aba bacancuro bivugwa ko baje gufatanya n’igisirikare cya Congo, FARDC mu ntambara ihanganyemo n’umutwe wa M23 wayorotse.
Mu ifoto yacaracaye ku mbuga zitandukanye,indwanyi bivugwa ko ari izo mu itsinda rya Wagner zari mu modoka ifite ibirango bya DRC aho bivugwa ko zatemberezwaga umujyi wa Goma.
Mu butumwa buherutse gutangazwa na M23 ku wa Mbere tariki 02 Mutarama (...)

Sponsored Ad

Abacancuro b’Abarusiya bazwi ku izina rya Wagner bagaragaye batembera mu mujyi wa Goma bari kumwe n’ingabo za FARDC mu modoka.

Aba bacancuro bivugwa ko baje gufatanya n’igisirikare cya Congo, FARDC mu ntambara ihanganyemo n’umutwe wa M23 wayorotse.

Mu ifoto yacaracaye ku mbuga zitandukanye,indwanyi bivugwa ko ari izo mu itsinda rya Wagner zari mu modoka ifite ibirango bya DRC aho bivugwa ko zatemberezwaga umujyi wa Goma.

Mu butumwa buherutse gutangazwa na M23 ku wa Mbere tariki 02 Mutarama 2023, uyu mutwe weruye ko FARDC bahanganye iri gukorana n’abacancuro baturutse ku Mugabane w’u Burayi.

Leta ya RDC ntiyigeze inyomoza ayo makuru ngo ivuge ko idakorana n’aba bacancuro.

Umuvugizi wungirije wa M23 mu bijyanye na Politiki,Canisius Munyarugero,aheruka kubwira UKWEZI TV ko aba bacancuro bivugwa ko FARDC yazanye bazabakoramo.

Uyu muvugizi yagize ati " Imbaraga z’amahanga zitagira ukuri zirangirira mu kirere.Kuba turwanira ukuri bizatuma dutsinda cyane,cyane nabishimangire.

Yaba umunyakenya,umunyangola,umunyamahanga wese,nta muntu uguha amahoro utayihaye kandi nawe niba aje kutubuza amahoro adusanze iwacu tuzamwirukana."