Umutwe wa M23 ukomeje kwigarurira ibice binini bya Repubulika ya Demokarasi ya Kongo nyuma yo gukubita inshuro FARDC n’imitwe bafatanyije irimo Mai Mai,Nyatura,FDLR,CODECO n’abacancuro ba Wagner.
Ifatwa ry’inkengero y’ahitwa ku Rupangu mu birometero 3 ujya mu mujyi wa Sake ryatumye abaturage ibihumbi 5000 bari batuye Sake bahungira mu mujyi wa Goma utagifite ibyokurya.
Mu gitondo cyo kuri uyu wa 09 Gashyantare 2023 saa saba nibwo byamenyekanye ko ingabo z’umutwe wa M23 zamaze kwigarurira (…)

Umutwe wa M23 ukomeje kwigarurira ibice binini bya Repubulika ya Demokarasi ya Kongo nyuma yo gukubita inshuro FARDC n’imitwe bafatanyije irimo Mai Mai,Nyatura,FDLR,CODECO n’abacancuro ba Wagner.

Ifatwa ry’inkengero y’ahitwa ku Rupangu mu birometero 3 ujya mu mujyi wa Sake ryatumye abaturage ibihumbi 5000 bari batuye Sake bahungira mu mujyi wa Goma utagifite ibyokurya.

Mu gitondo cyo kuri uyu wa 09 Gashyantare 2023 saa saba nibwo byamenyekanye ko ingabo z’umutwe wa M23 zamaze kwigarurira agace k’ahitwa ku Rupangu ndetse n’ibirindiro bya FDLR byari ahitwa Kalenga.

Ifatwa rya Karenga n’utundi duce byafunguriye abarwanyi ba M23 kwinjira mu marembo ya Sake ,umujyi uhana imbibe na Goma,nyuma yuko muri iki gitondo imbunda zikomeye zumvikaniye mu marembo ya Sake aho ingabo za M23 zarasaga ibisasu bikomeye,zisubizanya n’abacancuro b’Abarusiya.

Amakuru avuga ko abasirikare ba Congo bahunze imirwano mu bice M23 imaze gufata muri Masisi bariye karungu batifuza gutakaza umujyi wa Sake ushobora gufatwa uyu munsi.

Lt. Col Kaiko Ndjike, Umuvugizi wa Gisirikare muri Nord Kivu muri iki gitondo cya tariki 10 Gashyantare 2023, yatangaje ko “FARDC iri mu nzira yo guhagarika ibikorwa by’ingabo z’u Rwanda hamwe n’abafasha babo ba M23 bagerageza kudukura mu birindiro byacu.”

Lt. Col Kaiko ashimangira imvugo ya Perezida Tshisekedi ko ingabo za Congo zitarwana na M23 ahubwo batewe n’ingabo z’u Rwanda.

Ati “Ndashaka kwizeza abaturage ko ingabo zabo zikomeje kandi ko zisubiza inyuma umwanzi kure ya Lupango, turasaba abaturage gutuza no kwizera ingabo.”

Ku ruhande rw’inyeshyamba za M23, ziravuga ko ingabo za Congo na FDLR bacitse intege bari guhunga bityo ziteguye gufata Umujyi wa Sake.

Umutwe wa M23 washimangiye ko uzarwana kugera i Kinshasa igihe cyose Leta ya RDC idashaka ibiganiro.

Mu biganiro bakomeje kugirana n’abanyamakuru bo mu Rwanda,M23 ivuga ko nabo kujya ku butegetsi byababera kuko bo batarebera ubwicanyi bukorerwa Abanyekongo.