skol

Ghana: Abadepite bakubitanye ibipfunsi n’inkokora bapfa ikintu gitangaje

Amakuru   Yanditswe na: Dusingizimana Remy 22 December 2021

Hadutse ubushyamirane mu nteko ishinga amategeko ya Ghana mw’ijoro ryo kuwa mbere bucya ari ku wa kabiri ubwo abadepite barimo kwiga umusoro watangwa ku mafaranga acishwa ku matelefone ngendanwa.


Abadepite bateranye inkokora, barasunikana, bakubitana ingumi, mu gihe abandi nabo bagerageza kubatandukanya.

Uku gushyamirana kwadutse ubwo abadepite bo ku ruhande rutavuga rumwe n’ishyaka riri ku butegetsi bahagurukaga bakajya kubuza umwungiriza w’umuyobozi w’inteko ishingamategeko,Joseph Osei Owusu guhaguruka ngo ajye gutora, nk’uko bivugwa n’ibinyamakuru byo muri icyo gihugu.

Niwe wari uyoboye iyo nama ndetse yahise asohorwa kubera iyi mirwano.

Ishyaka National Democratic Congress (NDC) ritavuga rumwe n’ubutegetsi wamaganye uwo musoro ungana na 1.75% ku mafaranga acishwa ku matelefone agendanwa, harimo no kuriha ibicuruzwa ukoresheje telefone ngendanwa.

Iri shyaka rivuga ko uyu uzahohotera abadafite amikoro hamwe n’abandi bose badakorana n’amabanki.

Minisitiri w’ikigega cya leta Ken Ofori-Artta avuga ko ari ukwagura igice cy’abasora, agasobanura ko mu mwaka utaha igihugu gishobora kuhungukira miliyari 6.9 z’amafaranga y’ama cedi akoreshwa muri Ghana (hafi miliyari 1.15 y’amadorari y’amerika).

Iyi nama y’inteko ishinga amategeko yatangiye ku wa mbere mu gitondo,ikaba yaraje guhagarikwa nyuma ya saa sita z’ijoro, nk’uko bivugwa n’ikinyamakuru Graphic cyo muri icyo gihugu.

Iki kinyamakuru cyacishije ku rubuga rwa Twitter amashusho y’aba badepite bari gukozanyaho.

Abanya-Ghana batari bake bagaye iyi myitarire y’abadepite babo, bakavuga ko bakwiriye kubera urugero rwiza abandi by’umwihariko abana.

Ikinyamakuru Graphic kivuga ko integuza y’tegeko rigenga uyu musoro yemejwe n’umutwe w’inteko ishinga amategeko ushinzwe ikigega, ku majwi 13 kuri 12, ariko ni nyuma y’aho umukuru w’uyu mutwe atangiye ijwi rye rya Kamarampaka.

Politike ya Ghana isigaye irangwamwo kutumvikana kuva mu mwaka ushize,nyuma y’amatora aho amashyaka NDC na NPP yabonye imyanya ingana 137 kuri buri ruhande.

Intebe imwe y’uwigenga, yagiye ku ruhande rwa New Patriotic Party (NPP).,bituma iri shyaka riri ku butegetsi ribona ubwiganze.

Inteko rusange y’Abadepite yagombaga kwemeza itegeko ku wa Kabiri, ariko Abadepite ntibaritoye nyuma y’uko bumvikanye gusubika imirimo y’Inteko ikazakomeza muri Mutarama 2022.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uganda: Maj. Gen Kandiho “wavuzweho guhohotera Abanyarwanda” yakuwe ku mirimo...

Perezida wa Uganda Yoweli Kaguta Museveni yakuye ku mwanya w’Umuyobozi wa...
25 January 2022 0

Perezida wa Malawi yirukanye abagize guverinoma bose

Perezida Lazarus Chakwera wa Malawi yirukanye abagize guverinoma bose...
25 January 2022 0

Umupolisikazi yishe umugabo we amusanze mu kazi arangije nawe...

Abashinzwe iperereza mu Ntara ya Trans Nzoia muri Kenya barimo gukora...
25 January 2022 0

Abasirikare ba USA bambariye uruganda bajya gutabara Ukraine

Abasirikare 8,500 b’Amerika bambariye urugamba, baryamiye amajanja biteguye...
25 January 2022 0

Burkina Faso: Perezida Kabore yahiritswe ku butegetsi ahita afungwa...

Perezida wa Burkina Faso, Roch Kabore biravugwa ko yafungiwe mu kigo cya...
24 January 2022 0

Uburakari muri Nigeria nyuma y’iyicwa ry’umwana w’umukobwa w’imyaka...

Itahurwa ry’umurambo watangiye kwangirika w’umunyeshuri w’umukobwa w’imyaka...
22 January 2022 0