Inama y’ejo ku wa kane yahuriyemo abashagarariye ibihugu 11 ku kigo cya gisirikare muri Estonia kugira bige uburyo baha imfashanyo nshya Ukraine mu rwego rwo kuyifasha kubohoza ubutaka bwayo bwigaruriwe n’Uburusiya.
Ibihugu icyenda – Ubwongereza, Pologne, Lettonie, Lithuania, Danemark, République Tchèque, Estonia, Ubuholande, na Slovakia – byemeye gutanga izindi mfashanyo.
Izi mfashanyo zatangarijwe mw’itangaza rusange zirimo:
Ubwongereza - misire 600 zo mu bwoko bwa Brimstone
Danemark - (...)

Sponsored Ad

Inama y’ejo ku wa kane yahuriyemo abashagarariye ibihugu 11 ku kigo cya gisirikare muri Estonia kugira bige uburyo baha imfashanyo nshya Ukraine mu rwego rwo kuyifasha kubohoza ubutaka bwayo bwigaruriwe n’Uburusiya.

Ibihugu icyenda – Ubwongereza, Pologne, Lettonie, Lithuania, Danemark, République Tchèque, Estonia, Ubuholande, na Slovakia – byemeye gutanga izindi mfashanyo.

Izi mfashanyo zatangarijwe mw’itangaza rusange zirimo:

Ubwongereza - misire 600 zo mu bwoko bwa Brimstone

Danemark - ibibunda 19 bya obusier/howitzer byo mu bwoko bwa Caesar byakorewe mu Bufaransa

Estonia - Obusiers/Howitzers, amasasu, ibimodoka by’intambara, hamwe n’imbunda zitera ibisasu bisenya ibifaru (chars)

Lettonie – imbunda zo mu bwoko bwa Stinger zo guhanura indege, kajugujugu ebyiri hamwe na za ndege zitagira abapilote (drones)

Lithuania – imbunda zo guhanura indege na kajugujugu ebyiri

Poland – imbunda zo mu bwoko bwa S-60 zo guhanura indege hamwe n’ibisasu byazo 70.000

République Tchèque – igiye gutanga ibindi bisasu biraswa kure, imbunda zo mu bwoko bwa Obusiers/Howitzers hamwe n’ibimodoka z’imitamenwa byo mu bwoko bwa APC.

Mu ijambo yavuze mu rugendo arimo muri Estonia,Minisitiri w’Ubwongereza ushinzwe Umutekano, Ben Wallace, yagize ati:

"Muri 2023 harageze ko intambwe abanya-Ukraine bateye zikoreshwa mu gusubiza inyuma Abarusiya…kubirukana bakava muri Ukraine, hanyuma nayo ikisubiza ubwigenge bwayo, kuko ari uburenganzira bwayo mu mategeko mpuzamahanga”.

Amerika yatangaje imfashanyo nshya yayo mu masaha akuze ya nijoro ku wa kane. Ariko bya bimodoka bitamenwa ntibirimo nk’uko Ukraine yari ibyiteze.

Ubuholande bwitezwe kumenyekanisha imfashanyo buzatanga kuri uyu wa gatanu.

Gusa Pentagon (Minisiteri y’Ingabo ya Amerika) yemereye Kyiv izindi modoka z’intambara 59 zo mu bwoko bwa Bradley, imodoka za gisirikare 90 zo mu bwoko bwa Stryker zitwara abasirikare, hamwe n’izindi ntwaro zo mu bwoko bwa Avenger byo kurinda ikirere, n’ibindi bisasu biraswa kure hamwe n’ibindi biraswa hafi.

BBC