Ku wa Gatandatu, itariki 04 Mutarama 2025, ingabo za Mali, zavuze ko zafashe Umuyobozi wa Leta ya Kisilamu muri Sahara Nini (EIGS), ishami ry’umutwe w’iterabwoba wa Islamic State mu karere ka Sahel.

Sponsored Ad

Ingabo zatangaje ko zafashe abantu babiri, Mahamad Ould Erkehile “uzwi ku izina rya Abu Rakia,” na Abu Hash, bavuga ko uyu ari “umuyobozi w’urwego rwa mbere.”

Itangazo ry’ubuyozi bukuru bw’Ingabo za Mali rivuga ko iki gikorwa cyakozwe ku wa Gatanu aho benshi mu barwanyi b’iryo tsinda bishwe nk’uko bitangazwa na Deutsche Welle.

Itangazo ryavuze kandi ko hafashwe ibikoresho bigenewe gukora ibikoresho biturika bitunguranye.

Igisirikare cya Mali cyavuze ko Hash yagize uruhare mu guhuza “ubugizi bwa nabi bukabije” bwakorewe abaturage mu majyaruguru y’uburasirazuba bwa Menaka na Gao ndetse n’ibitero byibasiye igisirikare.