skol
Fortebet

Igisirikare cya RDC cyavuze umubare w’ingabo zihariye z’u Rwanda ziri ku butaka bwabo

Amakuru   Yanditswe na: Dusingizimana Remy 9 June 2022

Igisirikare cya RDC cyasohoye itangazo rirambuye kivuga ko ingabo 500 zidasanzwe z’u Rwanda ziri ku butaka bwayo zije gufasha umutwe wa M23 uri kurwanya ingabo z’iki gihugu.

Mu itangazo ryayo ryo kuwa gatatu nijoro, FARDC yashinje u Rwanda kohereza abasirikare 500 bo mu ngabo zidasanzwe gufasha M23, ivuga ko abo baje bambaye imyenda y’icyatsi kibisi n’umukara.

Iri tangazo ryasohowe na Gen. Sylivain Bamusa Ekenge umuvugizi wungirije wa FARDC akaba n’Umuvugizi wungirije wa Kivu y’Amajyaruguru.

Iri tangazo rivuga ko Ingabo z’u Rwanda zahinduye impuzankano y’abasirikare barwo nyuma y’uko ifashe abasirikare 2 barwo bari ku ruhande rwa M23 yita "ibyihebe".

Rivuga ko binjiye bambaye impuzankano y’icyatsi cyijimye ndetse bambaye n’ingofero zisanzwe zambarwa n’abasirikare ba RDF badasanzwe.

Leta y’u Rwanda yahakanye kenshi ko ifasha umutwe wa M23, ishimangira ko ikibazo cyayo ari ikibazo cy’imbere muri DR Congo.

Umutwe wa M23 nawo kuwa gatatu wasohoye itangazo ushinja leta “guhitamo inzira y’intambara”, n’ingabo zayo hamwe na MONUSCO gufatanya n’umutwe wa FDLR mu bitero bayigabyeho.

Iri tangazo rigira riti: “Uku guhitamo intambara kwa leta ya Congo aho guhitamo ibiganiro by’amahoro, biteje akaga ku kugaruka vuba kw’amahoro mu burasirazuba bwa RDC”.

Hagati aho FARDC yatangaje ko imyanzuro y’inama y’abagaba b’ingabo yaberaye i Goma ku gushinga umutwe w’ingabo z’akarere wo kurwanya inyeshyamba mu burasirazuba bwa DR Congo izashyirwa hamwe n’inzobere za gisirikare n’abakuru b’ingabo mu nama izabahuza hagati ya tariki 15 na 19 z’uku kwezi i Nairobi muri Kenya, mbere y’uko byemezwa n’abakuru b’ibihugu by’akarere.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abasirikare 15 Baguye mu Gitero cy’Intangondwa muri Burkina Faso

Igisirikare cya Burkina Faso gitangaza ko abasirikare bacyo 15 bishwe mu...
10 August 2022 0

Intambara igomba kurangirana no kubohorwa kwa Crimea –Perezida wa...

Perezida wa Ukraine Volodymyr Zelensky yavuze ko intambara yatangiriye muri...
10 August 2022 0

Kenya: Depite ari guhigwa aregwa kurasa akica umuntu ku biro...

Umudepite wo muri Kenya ari guhigwa nyuma y’uko ashinjwa kurasa akica...
10 August 2022 0

Kenya: Ruto arigamba intsinzi kuri uyu munsi w’amatora ya Perezida

Amatora ya Perezida muri Kenya yabaye kuri uyu wa Kabiri tariki ya 09...
9 August 2022 0

Nepal: Ingwe zari zigiye gucika bakazibungabunga zimereye nabi...

Nepal yakoze ibikomeye ikuba akarenze kabiri umubare w’ingwe mu myaka 10...
8 August 2022 0

Abimukira Barenga 250 barusimbutse mu Nyanja ya Mediterane

Abasirikare ba Tuniziya Batabaye Abimukira Barenga 250 muri Mediterane...
8 August 2022 0