Ingabo za Uganda UPDF zahawe uburenganzira bwo kujya muri Congo na Perezida Félix Tshisekedi bwo kujya guhashya imitwe yitwaje intwaro.
Kuva mu kwezi kwa gatanu gushize, intara za Ituri na Kivu ya Ruguru ziragendera ku mategeko y’ibihe by’intambara. Perezida Tshisekedi yakuyeho abategetsi ba gisivili ashyiraho aba gisilikare. Nyamara ntibyagaruye umutekano. Ahubwo abaturage bagera ku 1,200 barishwe muri aya mezi hafi umunani ashize. Ahanini bahitanywe na ADF.
Iyi mibare itangwa n’umushinga (...)

Sponsored Ad

Ingabo za Uganda UPDF zahawe uburenganzira bwo kujya muri Congo na Perezida Félix Tshisekedi bwo kujya guhashya imitwe yitwaje intwaro.

Kuva mu kwezi kwa gatanu gushize, intara za Ituri na Kivu ya Ruguru ziragendera ku mategeko y’ibihe by’intambara. Perezida Tshisekedi yakuyeho abategetsi ba gisivili ashyiraho aba gisilikare. Nyamara ntibyagaruye umutekano. Ahubwo abaturage bagera ku 1,200 barishwe muri aya mezi hafi umunani ashize. Ahanini bahitanywe na ADF.

Iyi mibare itangwa n’umushinga witwa "Baromètre Sécuritaire du Kivu" mu Gifaransa, "Kivu Security Tracker" mu Cyongereza, ukorana n’umuryango mpuzamahanga uharanira uburenganzira bwa muntu Human Rights Watch.

Umwe mu bajyanama ba Perezida Tshisekedi yatangarije ikigo ntaramakuru AFP cyo mu Bufaransa ko abasirikare ba Uganda bagiye "kwinjira ku butaka bwa Repubulika ya Demokarasi ya Congo kurwanya ADF, bafatanyije n’ingabo za Congo n’iz’Umuryango w’Abibumbye."

Yasobanuye ariko ko "badahita bambuka umupaka uyu munsi cyangwa ejo. Bisaba n’uruhushya rw’inteko ishinga amategeko n’urw’ingabo z’igihugu."

AFP ivuga ko abasirikare ba Uganda bamaze iminsi bitegura kwinjira mu burasirazuba bwa Congo, kandi ko abofisiye bakuru b’impande zombi nabo bamaze iminsi bitegurira hamwe.

Perezida wa Komisiyo ishinzwe umutekano mu nteko ishinga amategeko ya Repubulika iharanira demokarasi ya Congo Hon.Bertin Mubonzi nawe yemereye itangazamakuru ko yamenye icyo cyemezo cy’umukuru w’igihugu ariko kizabanza guca mu nteko ishinga amategeko ikabyemeza.

Umutwe wa ADF umaze iminsi uteza umutekano muke mu mujyi wa Kampala no mu nkengero zawo ukaba usanzwe ufite ibirindiro muri Repubulika iharanira demokarasi ya Congo aho umaze igihe wica abaturage bo mu gace ka Beni na Ituri.

Nubwo bimeze bityo ariko, itangazamakuru ryo muri ako gace ryakunze gutunga agatoki undi mutwe na wo umaze igihe kinini wica abaturage mu gace ka Jugu witwa CODECO ko waba uterwa inkunga na Uganda binyuze ku muhungu wa Perezida Museveni Gen.Muhoozi Kainerugaba, hakiyongeraho Umutwe wa M23 umaze iminsi nawo uri guhungabanya umutekano mu bice bya Bunagana.

ADF ikomoka muri Uganda. Yahungiye muri Repubulika ya Demokarasi ya Congo kuva mu 1995. Umutwe wa Leta ya Kislamu uvuga ko ADF ari ishami ryayo muri Afrika yo hagati. Mu kwezi kwa gatatu gushize, Leta zunze ubumwe z’Amerika yashyize ADF ku rutonde rw’imitwe y’iterabwoba.

Mu yandi makuru avugwa muri RDC nuko kuri iki cyumweru tariki ya 28 Ugushyingo hatahuwe Imirambo y’abantu 12 hafi y’agace ka Drodro muri teritwari ya Djugu muri Ituri, imwe mu Ntara zigize Repubulika Iharanira Demokarasi ya Congo imaze igihe kitari gito irangwamo umutekano muke.

Iyi mirambo yabonetse nyuma y’igitero inyeshyamba za CODECO zagabye mu gitondo cyo ku Cyumweru,Inzego zishinzwe umutekano zatangaje ko abantu 23 ari bo bikekwa ko bapfuye hakaba hari hagikorwa igenzura kugira ngo haboneke imirambo yose y’abo bivugwa ko bapfuye.