skol

Intambara yapfubye!!Ingabo z’Uburusiya zatangiye kuva ku mupaka wa Ukraine

Amakuru   Yanditswe na: Dusingizimana Remy 15 February 2022

Minisiteri y’ingabo y’Uburusiya yatangaje ko irimo kuvana zimwe mu ngabo zayo ku mupaka wa Ukraine.

Mu butumwa bwa Igor Konashenkov, umuvuguzi w’iyo minisiteri, bwatangajwe n’ibiro ntaramakuru Interfax, yavuze ko;

"Unite zo mu turere tw’amajyepfo n’uburengerazuba zarangije ubutumwa bwazo zatangiye kurira gari ya moshi n’imodoka, kandi uyu munsi ziratangira gusubira mu bigo byazo."

Konashenkov ariko avuga ko hari imyitozo ya gisirikare imwe ikomeje, muri ako gace k’umupaka.

Yongeraho ko indege n’abasirikare barwanira mu kirere nabo bari bakomeje iyo myitozo.

Ntihazwi neza niba ingabo ziri gusubizwa mu bigo byazo bagize igice gishobora gukuraho ubwoba bw’ibitero kuri Ukraine bimaze iminsi byitezwe.

Abasirikare bagera ku 130,000 b’Uburusiya bashyizwe ku mupaka wa Ukraine, harimo 30,000 bari mu myitozo y’intambara muri Belarus.

Minisitiri w’ububanyi n’amahanga w’Ubwongereza Liz Truss yavuze ko byakwizerwa ko Uburusiya butagiteye Ukraine buvanyeyo ingabo zose bwarunze hafi y’umupaka.

Maria Zakharova, umuvugizi wa minisiteri y’ububanyi n’amahanga y’Uburusiya yanditse kuri Telegram ati: "Tariki 15 Gashyantare 2022 izajya mu mateka nk’umunsi propaganda y’intambara y’iburengerazuba yatsinzwe."

Maria yongeraho ati: "Bakojejwe isoni kandi baneshejwe nta sasu na rimwe rirashwe".

Dmytro Kuleba, Minisitiri w’ububanyi n’amahanga wa Ukraine yabwiye abanyamakuru ko Uburusiya bugomba kuvana ingabo zabwo zose ku mupaka basangiye.

Yagize ati: "Dufite itegeko: ntukemere ibyo wumva, emera ibyo ubona. Nitubona bagiye, tuzemera ko nta mirwano."

Ibi bibaye mu gihe none kuwa kabiri Chancellier w’Ubudage Olaf Scholz yageze i Moscow kuganira na Perezida Putin mu muhate wo guhosha aya makimbirane.

Abategetsi bamwe ba Amerika mu minsi ishize baburiye ko Uburusiya bushobora gutera Ukraine "igihe icyo aricyo cyose".

Uburusiya burashaka kwizezwa ko Ukraine itazigera ijya mu ishyirahamwe ry’ubufatanye bwa gisirikare bw’ibihugu by’iburengerazuba, NATO, ariko ibihugu birigize ibyo ntibibikozwa.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Impamvu yateye igihugu cya Mali kwikura muri G5 Sahel yamenyekanye

Igihugu cya Mali cyatangaje ko kivuye mu ihuriro ry’ibihugu byo mu...
16 May 2022 0

Ukraine yigambye kwisubiza Kharkiv no kwica ingabo 27000 z’Abarusiya

Ikigo cyigisha ibijyanye n’intambara Institute for the Study of War,...
14 May 2022 0

AMERICA yaburiye ibitero by’ibyihebe mu burasirazuba bwa Congo

Guverinoma ya Amerika yaburiye ko hari ibitero by’abiyahuzi bishobora gutera...
13 May 2022 0

Umunyeshuri w’Umukristo yishwe na bagenzi be b’Abayisilamu ashinjwa gutuka...

Ku wa kane, tariki ya 12 Gicurasi, abapolisi bavuze ko abanyeshuri...
13 May 2022 0

Cameroon:Indege yaguye mu ishyamba ihitana abari bayirimo bose

Imwe mu ndege yari ihagurutse hafi ya Yaoundé muri #Cameroun yakoreye...
12 May 2022 0

RDC: Uwahoze ari komiseri mukuru wa Polisi yakatiwe urwo gupfa

Christian Ngoy Kenga Kenga wahoze ari komiseri mukuru wa polisi muri DR...
12 May 2022 0