skol

Joe Biden yavuze ko bigishoboka cyane ko Uburusiya butera Ukraine

Amakuru   Yanditswe na: Dusingizimana Remy 16 February 2022

Perezida Joe Biden wa Amerika yavuze ko igitero cy’Uburusiya kuri Ukraine "kiracyashoboka cyane", kandi ingaruka zacyo ku bantu zaba "mbi cyane".

Mu ijambo ryaciye kuri televiziyo mu gihugu, yavuze ko Amerika yiteguye gusubiza bya nyabyo ku gikorwa nk’icyo.

Biden yavuze ko Uburusiya bwashyize abasirikare 150,000 babwo ku mupaka na Ukraine.

Minisitiri w’ingabo w’Uburusiya yavuze ko bamwe mu ngabo zayo basubiye mu bigo byabo. Ariko Biden yavuze ko ibyo batabigenzuye ngo babyemeze.

Kuri cyo yagize ati: "Byaba ari byiza, ariko ntabwo turabigenzura. Ntabwo turagenzura niba hari abasirikare b’Uburusiya basubiye mu bigo byabo.

"Mu by’ukuri, abasesenguzi bacu bavuga ko ahubwo bakiri cyane mu birindiro biteye inkeke."

Ijambo rya Biden ryaje hashize amasaha Perezida Vladimir Putin w’Uburusiya avuze ko impungenge z’umutekano wa Moscow zigomba gusubizwa kandi zigafatwa nk’ikintu gikomeye.

Igihe cyose Putin yahakanye ko afite umugambi wo gutera Ukraine, ko Uburusiya budashaka indi ntambara Iburayi. Ariko kuva mu kwezik kwa 11 intambara yakomeje gututumba.

Putin arashaka kwizezwa ko Ukraine itazinjira mu ishyirahamwe ry’ubwirinzi bwa gisirikare ry’ibihugu by’iburengerazuba, NATO, kuko abibona nk’ibigeramiye umutekano wabo.

NATO ntikozwa iby’ubusabe bw’Uburusiya.

’Ntabwo muri abanzi bacu’ - Biden abwira Abarusiya

Perezida Biden yaburiye ko igihe haba intambara ubukungu bw’impande zombi bwahahungabanira kandi abantu benshi bakahazaharira.

Yongeye gushimangira ko umuyoboro wa gas w’Uburusiya uyigeza mu Budage uciye mu nyanja wiswe Nord Stream 2 "utazafungurwa" igihe Uburusiya bwatera Ukraine.

Yakomeje ati: "Ku baturage b’Uburusiya: ntabwo muri abanzi bacu, sinibaza ko mushaka intambara y’amaraso no gusenya kuri Ukraine.

NATO yatangaje "icyizere gikemanga" ku makuru yo kuwa kabiri ko Abarusiya bari gucyura zimwe mu ngabo zabo zari ku mupaka na Ukraine.

Vladimir Putin kuwa kabiri nawe yavuze ko Uburusiya budashaka intambara. Hari nyuma y’ikiganiro cy’amasaha ane yagiranye na Chancellier w’Ubudage Olaf Scholz.

Putin yabwiye abanyamakuru ati: "Ibi nibyo dushaka cyangwa hoya? birumvikana ni hoya. Niyo mpamvu dushyize imbere ibiganiro."

Putin yanenze ko NATO yananiwe gukemura impungenge "z’ibanze" z’umutekano w’Uburusiya.

Asaba ko ibyo kuba Ukraine yakwinjira muri NATO bikemurwa nonaha - nubwo Ukraine mu by’ukuri ikiri kure yo gutanga ubusabe bwayo bwo kwinjira muri NATO.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uburusiya bwigaruriye Umujyi wa Mariupol:Abasirikare ba nyuma ba Ukraine...

Urugamba rwo mu mujyi wo ku cyambu wa Mariupol mu majyepfo ya Ukraine...
18 May 2022 0

Umunyamategeko wa Sgt Robert Kabera afite impungenge ko ’ashobora koherezwa...

Umunyamategeko w’umusirikare w’u Rwanda wahungiye muri Uganda yandikiye...
18 May 2022 0

Turukiya:Perezida Erdogan yiyemeje guhangayikisha Finland na Sweden bishaka...

Perezida wa Turukiya yongeye kuvuga ko adashyigikiye ko Finland na Suède...
17 May 2022 0

Impamvu yateye igihugu cya Mali kwikura muri G5 Sahel yamenyekanye

Igihugu cya Mali cyatangaje ko kivuye mu ihuriro ry’ibihugu byo mu...
16 May 2022 0

Ukraine yigambye kwisubiza Kharkiv no kwica ingabo 27000 z’Abarusiya

Ikigo cyigisha ibijyanye n’intambara Institute for the Study of War,...
14 May 2022 0

AMERICA yaburiye ibitero by’ibyihebe mu burasirazuba bwa Congo

Guverinoma ya Amerika yaburiye ko hari ibitero by’abiyahuzi bishobora gutera...
13 May 2022 0