Indege yo mu bwoko bwa kajugujugu y’igisirikare cya Kenya, yari iri mu bikorwa byo gucunga umutekano, yakoreye impanuka hafi y’umupaka uhuza iki Gihugu na Somalia, igwamo abantu bose bari bayirimo, bitaramenyekana icyayiteye.

Iyi mpanuka yabereye hafi y’umupaka wa Somalia na Kenya, yemejwe na Minisiteri y’Ingabo muri Kenya kuri uyu wa Kabiri, gusa ivuga ko hataramenyekana icyayiteye.

Amakuru aravuga ko abantu umunani bari bayirimo bose bapfuye nkuko abayobozi babisobanura.

Igisirikare cya Kenya cyatangaje ko iyi ndege yakoze impanuka nijoro ifasha mu gucunga inyeshyamba za Al Shabab zicaracara ku mupaka wabo na Somalia.

Inzego zishinzwe umutekano zatangaje ko abaguye muri iyi mpanuka bose ari abasirikare.

Umutwe wa Al Shabab yongereye ibitero by’iterabwoba yagabaga muri Kenya mu myaka ishize.