skol
Fortebet

Kim Jong Un yakoze mu jisho USA ndetse yiyemeza guhangana nayo

Amakuru   Yanditswe na: Dusingizimana Remy 28 July 2022

Korea ya Ruguru yiteguye gukoresha ingufu zayo za nikleyeri mu kwirwanaho, nk’uko Perezida wayo Kim Jong-un abivuga.

Mu ijambo yatanze mu birori byo kwibuka Intambara ya Korea, Kim yongeyeho y’uko igihugu cye “cyiteguriye bihagije intambara ya gisirikare iyo ari yo yose” na Leta Zunze Ubumwe za Amerika, nk’uko bitangazwa n’Ibiro ntaramakuru bya leta, KCNA.

Aya magambo atangajwe mu gihe hari amakenga ko Korea ya Ruguru yaba irimo gutegura kugerageza ikindi gisasu cya nikleyeri ku ncuro ya 7.

Mu kwezi guzhize, Amerika yaburiye ko Pyongyang (umurwa mukuru wa Korea ya Ruguru) ushobora kugerageza iki gisasu umwanya uwo ari wo wose.

Korea ya Ruguru yaheruka kugerageza igisasu cya nikeleyeri mu 2017. Ariko, umwuka mubi ukomeje kwiyongera muri icyo kirwa cya Korea.

Intumwa idasanzwe ya Amerika muri Korea ya Ruguru Sung Kim avuga ko Korea ya Ruguru imaze kugerageza ibisasu bya misile bitari bike muri uyu mwaka – 31 ugereranyije na 25 yagerageje mu mwaka wose wa 2019 uzwi ko ari wo mwaka yaherukagaho kugerageza intwaro nyinshi.

Mu kwa gatandatu, Korea y’Epfo yagerageje ibisasu umunani byayo bya misile.

N’ubwo intambara ya Korea yabaye hagati ya 1950 na 1953 yarangiye habaye amasezerano y’agahenge, Korea ya Ruguru ifata ko aya masezerano ari intsinzi yayo kuri Amerika.

Ibirori byo kwibuka intsinzi byizihizwa buri mwaka n’utwarasisi twa gisirikare n’ibirori bidasanzwe.

Mu ijambo rye yagejeje ku baturage mu kwizihiza uwo munsi, Kim yavuze ko ibyago bya nikleyeri biterwa na Amerika bisaba ko Korea ya Ruguru igera ku “gikorwa cyayo cyihutirwa” cyo gukomeza urwego rw’umutekano.

Yongeraho o Amerika ifata nabi imyitozo ya gisirikare, aho iyifata nk’agasuzuguro.

Kim kandi asa n’uvuga ku makuru avuga ko Korea y’Epfo irimo kwitegura igitero cya nikleyeri gishobora gukorwa na Korea ya Ruguru, no kwitegura muri rusange igihe yaba itewe.

Iyi myiteguro izwi nka "Kill Chain", yateguwe ubwa mbere imyaka cumi ishize, isaba ko haba ibitero byo kwitegura misile za Pyongyang bikozwe n’abategetsi bayo bakuru.

Bamwe mu bahanga baraburira ko ibi bifite inkurikizi zabyo kandi ko bishobora gutuma haba kurushanwa mu kwegeranya intwaro.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nepal: Ingwe zari zigiye gucika bakazibungabunga zimereye nabi...

Nepal yakoze ibikomeye ikuba akarenze kabiri umubare w’ingwe mu myaka 10...
8 August 2022 0

Abimukira Barenga 250 barusimbutse mu Nyanja ya Mediterane

Abasirikare ba Tuniziya Batabaye Abimukira Barenga 250 muri Mediterane...
8 August 2022 0

US yamaganye Ubushinwa bwakoze imyitozo yo gutera Taiwan

Leta Zunze Ubumwe za Amerika zirashinja Pékin/Beijing ko iri gukora ibikorwa...
7 August 2022 0

Umukecuru yagiye gutabara umugabo we wari ugiye kurohama barapfana

Umukecuru yarohamye mu mazi ubwo yagerageza gutabara umugabo we nyuma yo...
6 August 2022 0

Imbaga y’abanye Goma yitabiriye gushyingura abaguye mu myigaragambyo

Abarenga 5000 nibo bitabiriye umuhango wo gushyingura bagenzi babo biciwe...
5 August 2022 0

DR Congo: Haravugwa imirwano y’Imbonerakure na Red-Tabara

Abarwanyi b’Imbonerakure kuwa gatatu bigaruriye agace ka Birimba nyuma...
5 August 2022 0