skol

Koreya ya ruguru ivuga ko ’yagerageje’ hypersonic misile inyaruka bidasanzwe

Amakuru   Yanditswe na: Dusingizimana Remy 29 September 2021

Korea ya ruguru ivuga ko kuwa kabiri yabashije kurasa mu igerageza misile nshya yiswe Hwasong-8 yo mu bwoko bw’izigendera ku muvuduko udasanzwe.


Ikinyamakuru cya leta kivuga ko iyi misile nshya ari imwe "mu ntwaro eshanu nshya z’ingenzi kurusha izindi" isohowe mu mugambi w’imyaka itanu wo guteza imbere igisirikare.

Iyi misile nshya bayise "intwaro y’ingenzi" ibi ubusanzwe bisobanuye ko ifite ubushobozi kirimbuzi.

Kugerageza iki gisasu kuwa kabiri kwabaye ikindi cyerekanye ko Pyongyang ikomeje guteza imbere ikoranabuhanga mu ntwaro nubwo iri mu bihano.

Ikinyamakuru KCNA cya leta cyavuze ko "Uburyo bugezweho bw’intwaro...[bwazamuye] ubushobozi bw’igihugu mu kwirinda mu buryo bwose."

Iyi ni misile ya gatatu bagerageje muri uku kwezi.

Hypersonic missile ni iki?

Misile za hypersonic ziranyaruka cyane kandi ziraswa mu buryo bworoheje kurusha izisanzwe, kuzitahura bigora cyane ubwirinzi bwa za misile, nk’uko bivugwa n’ibiro ntaramakuru AFP.

Ankit Panda, wo mu kigo Carnegie Endowment for International Peace, avuga ko ubu bigoye kumenya "neza neza ubushobozi" bw’iyo misile, ariko yongeraho ko "ishobora kuba ikibazo ku bwirinzi busanzwe bwa za misile ziraswa kure".

Panda avuga kandi ko iyi ntwaro nshya kuri Korea ya Rurugu yerekana "intambwe ikomeye" icyo gihugu kigezeho.

Iyi misile iri mu bwoko bw’izoroha cyane kuraswa kandi irihuta cyane bidasanzwe.

Mu nama yabaye mu kwezi kwa mbere, Kim Jong-un utegeka Korea ya Ruguru yavuze ko abahanga "barangije ubushakashatsi" mu gukora imitwe y’ubumara ya misile za hypersonic, kuwa kabiri bwari ubwa mbere zigeragejwe.

Panda avuga ko kuzigerageza atari ikintu gishya kuko Kim Jong-un yari yarabivuzeho mu kwezi kwa mbere.

Ni iki tuzi kuri gahunda y’intwaro za Korea ya Ruguru?
Muri uku kwezi gusa, iyi ni intwaro ya gatatu bagerageje, byerekana ko bari kuzamura urwego rwabo rw’izi ntwaro zikaze.

Nyuma gato y’igisasu cyageragejwe kuwa kabir intumwa ya Korea ya Ruguru Kim Song yarengeye igihugu cye ku burenganzira ku ntwaro.

Avugira mu ntako rusange ya UN i New York, Song yavuze ko igihugu cye kiri "kubaka ubwirinzi bwo kuturinda ubwacu no kurinda amahoro n’umuteknao by’igihugu mu buryo bwizewe".

Korea ya Ruguru kenshi yagiye ishinja iyo hepfo kugira ibipimo bibiri ku bijyanye n’ingufu za gisirikare.

Vuba aha Korea y’Epfo nayo yagerageje misile ballistic zirashwe n’ubwato bugendera hasi mu nyanja, ivuga ko izikeneye nko guca intege "ubushotoranyi" bwa Korea ya Ruguru.

Leta zunze ubumwe za Amerika zikunze gusaba Korea ya Ruguru kureka ibikorwa byayo by’intwaro kirimbuzi, kandi umubano wa Pyongyang na Washington, ku butegetsi bwa Biden, uri kurangwa n’amahane.

Hagati aho Amerika nayo mu cyumweru gishize yagerageje misile nk’iyi yo mu bwoko bwa hypersonic.

Ubuyapani na Korea ya Ruguru nabyo birarebana ay’ingwe, biva ku myaka 35 Ubuyapani bwakoronije Korea, gahunda za Korea z’intwaro kirimbuzi, no gushimuta Abayapani muri Korea byabaye mu gihe gishize.

Mu kwezi gushize, ikigo cya UN kireberera iby’ingufu kirimbuzi cyavuze ko Korea ya Ruguru yongeye gutangiza ’reactor’ ishobora gukora plutonium y’intwaro kirimbuzi, iki kigo cyabyise "amakuru ateye inkeke".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uganda: Igisasu cyaturikirijwe muri Bar-Resto abantu babiri bahasiga...

Mu ijoro ryo wa gatandatu, abapolisi ba Uganda bavuze ko umuntu umwe...
24 October 2021 0

Colombia: Umucuruzi w’ibiyobyabwenge wa mbere washakishwaga cyane...

Umucuruzi w’ibiyobyabwenge washakishwaga cyane muri Colombia wari unakuriye...
24 October 2021 0

Misile ya Koreya ya ruguru yatumye UN ikora inama y’igitaraganya

Inteko y’Umuryango w’Abibumbye ishinzwe umutekano ku isi yateranye byihutirwa...
21 October 2021 0

RDC:Minisitiri yatumijwe n’abadepite ngo asobanure uko ingabo z’u Rwanda...

Inteko ishingamategeko ya Repubulika ya Demokarasi ya Congo yatumije...
21 October 2021 0

Burundi: Mu minsi 3 gusa habonetse imirambo 14 muri Komini 2...

Hagati ya tariki ya 14 na 17 Ukwakira honyine, byibuze imirambo 14...
20 October 2021 0

Leta ya Nijeriya yigambye ibitero byahitanye inyeshamba 24

Igisirikare cya Nijeriya kiravuga ko kiciye inyeshyamba za kiyisilamu 24 mu...
19 October 2021 0