skol

Koreya ya ruguru yongeye kugerageza misile ihambaye ikanga abo bahanganye

Amakuru   Yanditswe na: Dusingizimana Remy 6 January 2022

Koreya ya ruguru yongeye kugerageza ibindi bisasu bibiri bya missile bifite umuvuduko ukubye 5 uw’ijwi (missile hypersonique/hypersonic missile),bihungabanya akarere irimo.


Iri rikaba ari ryo gerageza rya mbere rikomeye iki gihugu cyakoze uyu mwaka, nk’uko bitangazwa n’ikinyamakuru cya reta.

Ikinyamakuru KCNA kivuga ko iki gisasu "cyagezee neza" mu gice cyari cyateguwe kiri ku birometero 700.

Iyi ni inshuro ya 2 igisasu cy’ubu bwoko gisuzumwe, kikaba gishobora kumara umwanya muremure kitarabonwa n’ibyuma bishinzwe kugenzura ibica mu kirere (radars) kurusha izindi misile ziterwa kure (missiles ballistiques/ballistic missiles).

Iki gisasu kigeragejwe mu gihe umuyobozi w’iki gihugu Kim Jong-un aheruka gutangaza ko yiyemeje gukomeza kwigwizaho intwaro zo kwivuna abanzi ba Pyongyang (umurwa mukuru wa Korea ya Ruguru).

Mu ijambo ry’umwaka mushya yavuze, Kim yavuze ko Pyongyang izakomeza kongera ubushobozi bwayo bwo kwivuna umwanzi kubera ibintu bikomeje kuba bibi mu bijyanye n’igisirikare mu karere ka Korea (kagizwe na Korea y’Epfo, na Korea ya Ruguru).

Mu mwaka ushize, Korea ya Ruguru yaragerageje ibisasu bya misile bitari bike, nyuma y’aho ibiganiro hagati yayo na Leta Zunze Ubumwe za Amerika hamwe na Korea y’Epfo bihagarariye.

Pyongyang yinjiye mu mubare muto w’ibihugu, harimo Amerika n’Ubushinwa, mu kugerageza kurema ibisasu bya misile binyaruka kurusha ijwi.

Ibisasu binyaruka gusumbya ijwi mu busanzwe bigendera hafi gusumbya ibindi bisasu birasa kure, bikaba bishobora gusiga ijwi incuro zirenga 5- bisobanura ko umuvuduko wabyo ungana n’ibirometero hafi 6200 kw’isaha.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Nyusi yasuye ingabo z’u Rwanda ziri i Afungi na Palma...

Ku wa Gatanu, Perezida wa Mozambique, Filipe Nyusi yasuye Ingabo z’u Rwanda...
22 January 2022 0

Ghana: Abantu benshi baburiye ubuzima mu guturika gukomeye kwatewe...

Abantu bagera kuri 17 bamaze kubarurwa ko bapfiriye mu guturika guhambaye...
21 January 2022 0

Liberia: Abantu 29 bapfiriye mu mubyigano wabereye mu Kiliziya

Minisiteri y’itangzamakuru muri Liberiya ivuga ko abantu bagwiriranye mu...
20 January 2022 0

RDC: Inyeshyamba za Mai Mai zishe abasirikare ba Leta batatu...

Abasirikare batatu ba leta ya Kongo barimo ufite ipeti rya Majoro baguye mu...
18 January 2022 0

Ubwongereza bwemeje ko burimo kohereza intwaro zo kurwana kuri...

Ubwongereza burimo koherereza Ukraine ibisasu bya misile biraswa mu ntera...
18 January 2022 0

FARDC yemeje ko yafashe Benjamin Kisokeranio wari mu bayobozi ba...

Ku wa kabiri, Benjamin Kisokeranio, umwe mu bayobozi b’umutwe w’inyeshyamba...
14 January 2022 0