Amakuru aturuka muri Libiya cyane mu rwego rw’ubuzima avuga ko imirwano hagati y’imitwe ibiri ikomeye yitwaje intwaro i Tripoli yahitanye abantu 27 abandi barenga 100 barakomereka.

Urwo rugomo rwatangiye ku wa mbere tariki ya 14 Kanama, nyuma y’aho ingabo zidasanzwe zibumbuye mu mutwe wa (SDF) zifatiye umuyobozi wa Brigade 444.

Kuva ubwo impande zombi zarahanganye byeruye kugera ubwo Brigade ya 444 irekuriwe umukuru wayo kuri uyu wa kabiri tarikiya 15 Kanama ibona gucogora.

Imirwano yakomye mu nkokora ituze ryari rimaze ukwezi i Tripoli nyuma y’aho impande zombie zari zarafashe umurongo wo gukuraho ubushotoranyi ubwo aribwo bwose

Ni ku masezerano y’amahoro yumvikanyweho muri 2020.ariko ingengabitekerezo ishingiye ku moko yashinze imizi muri Libiya ihora iteza ihangana rya hato na hato.

BBC