skol
Fortebet

"M23 ifite intwaro ziruta iz’ingabo za Kongo na MONUSCO"-Uhagarariye RDC muri UN

Amakuru   Yanditswe na: Dusingizimana Remy 30 June 2022

Uhagarariye Igihugu cya Repubulika ya Demokarasi ya Kongo [RDC] mu muryango w’Abibumbye [UN],yemeje ko Umutwe wa M23 waje mu isura nshya ufite intwaro zihambaye ziruta iza Leta y’iki gihugu ndetse na MONUSCO.

Mu ijambo yavugiye mu kanama k’umutekano ka ONU kuri uyu wa gatatu,Uhagarariye RDC muri UN,Amb.Georges Nzongola-Ntalaja yagize ati "Bagarutse mu Ugushyingo 2021....Bafite intwaro zo ku rugamba ziruta iza MONUSCO n’iza FARDC.

Bafite ubushobozi bwo guhanura indege mu kirere,gutera ubwoba intara ya Kivu ya ruguru n’ibindi byaha mu bindi bice bya Kongo.Wasobanura ute uko kongera kugaragara k’uwo mutwe nyuma y’icyo gihe warabuze kandi ninde uri inyuma y’uwo mutwe,akawuha intwaro atari u Rwanda na Uganda?.

Yakomeje agira ati "Kuki Imiryango mpuzamahanga n’Umuryango w’Abibumbye badashaka guhuza uwo mutwe na leta y’u Rwanda?

Uhagarariye u Rwanda muri UN,Amb.Gatete Claver,asubiza mugenzi we,yagize ati " Kuba RDC ivuga ko u Rwanda rufasha M23 ni uburyo bwo guhishira intege nke z’ubuyobozi no gushaka gufata ibibazo by’imbere mu gihugu ikabyegeka ku baturanyi. "

Umutwe wa M23 wari watsinzwe n’igisirikare cya Congo, FARDC gifatanyije n’ingabo za MONUSCO mu 2013. Ariko mu kwezi kwa cumi na kumwe 2021, wongeye gusubira kwisuganya.

Kuva mu kwezi kwa kane uyu mwaka, umutwe wa M23 wagabye ibitero muri teritwari ya Rutshuru mu ntara ya Kivu ya ruguru, mu burasirazuba bwa DR Congo, nyuma y’imyaka igera ku 10 yari ishize nta bitero bikomeye ukora.

Buri ruhande – ingabo za leta ya Congo na M23 – rushinja urundi gutangiza imirwano.

Kuva ku itariki ya 13 y’uku kwezi kwa gatandatu, uyu mutwe ni wo ugenzura umujyi wa Bunagana uri ku mupaka wa Congo na Uganda.

Leta ya DR Congo ishinja leta y’u Rwanda guha ubufasha bwa gisirikare umutwe wa M23 – ibyo u Rwanda na M23 bahakana.

Umutwe wa M23 uvuga ko utiteguye gushyira intwaro hasi mu gihe nta biganiro waba ubanje kugirana na leta ya Congo.

Uvuga kandi ko udatewe ubwoba n’umutwe w’ingabo z’akarere k’Afurika y’uburasirazuba wemejwe muri uku kwezi n’abakuru b’ibihugu ko uzoherezwa kurwanya M23 n’indi mitwe yitwaje intwaro mu burasirazuba bwa DR Congo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble makambo

    Uyu mugore bamusimbure. Ni igicucu.

    1 month ago

Inzindi nkuru

M23 irashinjwa kwangiza urugomero rw’amashanyarazi rwa parike ya...

Umutwe wa M23 urashinjwa ko mu mirwano yo kuwa kabiri warashe nkana ibisasu...
18 August 2022 0

Kenya: Abakomiseri b’akanama k’amatora barashinjwa kugerageza kubangamira...

Umukuru w’akanama k’amatora ka Kenya yashinje bane mu bakozi bakuru...
18 August 2022 0

DR Congo: Denis Mukwege afata kwinjiza ingabo z’abarundi mu gihugu...

Uwahawe igikombe cy’amahoro mu mwaka 218, Dr. Denis Mukwege yanenze bikomeye...
17 August 2022 1

Uburusiya bwatwerereye umuriro iturika riheruka ku kibuga cya Crimea muri...

Mu cyumweru gishize , nibwo habaye igisa nk’igitero cya Ukraine ku kibuga...
17 August 2022 0

Tanzaniya: Abaporisi babyibushye bikabije Perezida yategetse ko...

Perezida wa Tanzania, Samia Suluhu, yategetse ko abapolisi bafite umubyiho...
17 August 2022 1

DR Congo: Brig Gen Tshinkobo wayoboraga akarere ka 34 yapfuye, M23 ibyita...

Umujenerali wari ukomeye muri FARDC yapfuye urupfu rutunguranye.
17 August 2022 0