Umutwe wa M23 wagaragaje intwaro nyinshi wambuye abasirikare ba FARDC n’inyeshyamba bakorana zirimo FDLR nyuma yo kubakubita incuro,bagakizwa n’amaguru.
Uyu mutwe wa M23 ukomeje gukubita FARDC n’abambari bayo ndetse wemeza ko urwana ari uko bawugabyeho ibitero,
M23 ikunze gushimangira ko intwaro nyinshi ikoresha izambura FARDC ndetse mu bihe bitandukanye wagiye werekana intwaro wabaga wayambuye zirimo imbunda zirasa ibisasu biremereye.
Uyu mutwe wagaragaje abarwanyi bawo bafite izindi (...)

Sponsored Ad

Umutwe wa M23 wagaragaje intwaro nyinshi wambuye abasirikare ba FARDC n’inyeshyamba bakorana zirimo FDLR nyuma yo kubakubita incuro,bagakizwa n’amaguru.

Uyu mutwe wa M23 ukomeje gukubita FARDC n’abambari bayo ndetse wemeza ko urwana ari uko bawugabyeho ibitero,

M23 ikunze gushimangira ko intwaro nyinshi ikoresha izambura FARDC ndetse mu bihe bitandukanye wagiye werekana intwaro wabaga wayambuye zirimo imbunda zirasa ibisasu biremereye.

Uyu mutwe wagaragaje abarwanyi bawo bafite izindi ntwaro bambuye FARDC n’imitwe irimo FDLR, Mai-Mai ndetse n’abacancuro b’Abarusiya baherutse kwinjira muri uru rugamba.

Mu mashusho yashyizwe hanze n’uyu mutwe, hagaragaramo abarwanyi ba M23 bikoreye imbunda zirimo izisanzwe zizwi mu rugamba za AK47 ndetse n’izirasa amabombe zizwi nka RPG.

Intwaro zafashwe zirimo izo mu bwoko bwa Mortier 60 MM, RPG, Machine Guns n’umurundo wa AK47 zikiri nshya.

Umwe muri aba barwanyi, agira ati "N’abazungu b’Abarusiya murebe ibyo bataye byose, murabona RPG, murabona Mortier nshya, iyi guverinoma yacu sinzi ko iyi ntambara barwana bazayitsinda.”

Umwe muri aba barwanyi ba M23 ari na we wafashe aya mashusho, yongeye kuburira abo bahanganye yifashishije umugani mugufi wo mu Kinyarwanda ati “Bajya baca umugani ngo akari bupfe kabungira akari bukice.”

M23 ivuga ko ubwo yagabwagaho igitero na FRDC n’abo bafatanyije barimo Abacanshuro ba Wagner birwanyeho babasubiza inyuma babambura n’izi ntwaro.

Bongeraho ko “Bajya baca umugani ko akari bupfe kabungira akari bukice” mu rwego rwo kuburira ingabo za Leta n’abandi babagabaho ibitero.

Mu minsi ishize ubuvugizi bwa M23 bwavuze ko intwaro zose RDC ihabwa n’amahanga bazazisubiza bagatsinda ndetse ko gahunda ari ugufata ubutegetsi.