skol

M23 yahaye ubutumwa bukomeye Ingabo za EAC zishobora kuyigabaho ibitero

Amakuru   Yanditswe na: Dusingizimana Remy 22 June 2022

Umutwe wa M23 wavuze ko udatewe ubwoba n’ingabo z’Umuryango wa Afurika y’Iburasirazuba ugiye koherezwa muri RDC kubagabaho ibitero aho wavuze ko ibyo ukora ari ukurwanira ejo hazaza habo.

Abakuru b’ibihugu bo muri EAC baheruka kwemeza iyoherezwa muri DR Congo ry’umutwe w’ingabo z’akarere zo kurwanya imitwe yitwaje intwaro irimo n’uwa M23.

Leta ya Congo ivuga ko uwo mutwe w’ingabo z’akarere "udakwiye kubamo" abasirikare b’u Rwanda.

Umuvugizi wa M23,Major Willy Ngoma yabwiye BBC ko nta mpungenge M23 itewe n’uwo mutwe w’ingabo z’akarere.

Ati: "Turi bugire ubwoba bw’iki? Bwa nde? Twebwe, igihe cyose turwanira kuramuka kwacu, kuri ejo hazaza h’abana bacu, kuri ejo hazaza h’iki gihugu.

"Twagira ubwoba bw’iki? Ntabwo".

Yongeye guhakana ibyo umutwe wa M23 ushinjwa na leta ya Congo byo guterwa inkunga na leta y’u Rwanda, avuga ko "habe n’urushinge" u Rwanda rwigeze ruwuha.

Ku wa mbere, ubuyobozi bw’intara ya Kivu ya ruguru bwasohoye itangazo buvuga ko bibujijwe ku bacuruzi n’abakozi ba gasutamo kwinjiza no kohereza hanze ibicuruzwa binyuze ku mupaka wa Bunagana.

Bwanavuze ko uzabirengaho "azafatwa nk’ukora ubucuruzi bwa magendu ufatanya n’umwanzi akazabiryozwa n’amategeko".

Ariko Major Ngoma asanga iyi ari ingamba "irimo ubuswa" no "kwivuguruza".

Ati: "Ni gute wabuza abantu guhahirana n’igihugu?

“Dushyire mu gaciro, mu burasirazuba bwa Congo, tweza iki?

“Ese murabizi ko n’ingwa yo kwigisha abanyeshuri iva muri Uganda? Ko amakayi ava muri Uganda? Ibyo murabizi? Imisumari yo kubaka inzu ahanini iva mu Rwanda? Ko ibiribwa biva muri Uganda?

“Hano ndi i Bunagana, kugira ngo ubone umugati ugomba kujya muri Uganda, ugomba kohereza umuntu muri Uganda".

Yavuze ko abakuru b’ibihugu ba EAC bakwiye "kumenya impamvu ituma turwana, turwana kugira ngo turamuke, turwanira ejo hazaza hafite uburumbuke h’iki gihugu".

"Kuvuga ko igihugu cyatewe mu gihe [leta] bazi impamvu ituma turwana, ibyo ni ukuba indyarya".

Yakomoje ku gahenge M23 yari yatangaje ku itariki ya mbere y’ukwezi kwa kane uyu mwaka, avuga ko kagaragaza ko uyu mutwe witeguye kuganira na leta ya Congo.

Ati: "[Amahanga] Botse igitutu leta kugira ngo ibone impamvu yacu [turwanira], twebwe twiteguye ibiganiro".

Major Willy Ngoma yabwiye BBC Gahuzamiryango ko uyu mutwe utigeze utangaza intambara kuri leta ya Repubulika ya Demokarasi ya Congo, ko ugabwaho ibitero n’abasirikare ba leta ukirwanaho.

Major Ngoma yumvikanishije ko uyu mutwe ushobora kuba wava mu mujyi wa Bunagana.

Yagize ati: "Kuhava si ikibazo. Ubu ni saa ngahe ubu? Ni saa tatu n’iminota 10 [9h10], dushobora kuhava saa tatu n’iminota 10, hanyuma saa kumi n’iminota 10 z’umugoroba [16h10] bagatangira kuturasaho, bagatangira gutangaza ngo ‘twisubije Bunagana, twabirukanye’.

"Bagatangira kuturasaho. Nta muntu n’umwe ubivugaho iyo baturasaho, iyo MONUSCO irimo kuturasaho.

"Iyo bica imiryango yacu, ibyo nta muntu n’umwe ubivugaho. Kubera iki bimera gutyo? Kubera iki iyo politiki yo gufata abantu mu buryo butandukanye? Ni nkaho abandi ari bo bafite uburenganzira bwo kubaho [bonyine].

"Ariko twatangira kwirwanaho mugatangira kutwamagana ku ma radiyo. Ibyo biraduhangayikishije".

Leta ya Congo yamaganye abibasira Abanye-Congo bavuga ururimi rw’Ikinyarwanda cyangwa abakoresha imvugo ihembera urwangano.

Inama yo ku wa mbere y’abakuru b’ibihugu byo muri EAC yateraniye i Nairobi mu murwa mukuru wa Kenya, yategetse ko imirwano ihagarara aka kanya no "kuva mu bice biherutse kwigarurirwa".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ingabo za l’ ONU (MINUSMA) muri Mali Zongewe undi Mwaka

Akanama ka ONU gashinzwe amahoro n’umutekano kemeye kongera undi umwaka wose...
30 June 2022 0

M23 yanyomoje FARDC yigambye ibyo itagezeho inemeza ko yafashe n’ikibuga...

Umutwe wa M23 watangaje ko wirukanye FARDC mu duce twa Nkokwe, Rwankuba,...
30 June 2022 0

MONUSCO yashinje M23 kugira intwaro zihambaye no kubangamira...

Intumwa yihariye muri Repubulika ya Demokarasi ya Congo y’umunyamabanga...
30 June 2022 0

Hamenyekanye ukuri ku byavuzwe ko Perezida Museveni yari akorewe Kudeta ari...

Ubuyobozi bw’urwego rushinzwe Iperereza muri Uganda buvuga ko amakuru...
29 June 2022 0

Nyuma yo gukaza imirwano kwa M23 ,Ubwoba ni bwose mu banyarwanda batuye...

Nyuma yo gukaza imirwano kwa M23 ,Ubwoba ni bwose mu banyarwanda batuye...
29 June 2022 0

Ingabo z’u Rwanda ziri gutenguhwa n’iza Mozambike mu rugamba rwo guhashya...

Urugamba rwo kurwanya ibyihebe byigabije Intara ya Cabo Delgado rukomeje...
29 June 2022 0