Ingabo z’igihugu n’inyeshamba z’umutwe wa M23 muri Repubulika ya Demokarasi ya Congo (RDC) ziritana ba mwana mu ntambara zikomeje mu turere two mu nkengero za Masisi.
Ni inyuma y’aho umutwe wa M23 utangarije ko urekuye akarere ka Kibumba, ibyo leta ya Congo ibona ko ari ’’umutego’’ no ’’kwiyamamaza’’.
Nk’uko baherutse kubibwira BBC, bamwe mu baba mu karere ka Masisi bemeza ko hari intambara zikomeje, ibyemezwa n’impande zombi zihanganye ariko zikitana ba nyirabayazana.
Mu gihe M23 (…)

Ingabo z’igihugu n’inyeshamba z’umutwe wa M23 muri Repubulika ya Demokarasi ya Congo (RDC) ziritana ba mwana mu ntambara zikomeje mu turere two mu nkengero za Masisi.

Ni inyuma y’aho umutwe wa M23 utangarije ko urekuye akarere ka Kibumba, ibyo leta ya Congo ibona ko ari ’’umutego’’ no ’’kwiyamamaza’’.

Nk’uko baherutse kubibwira BBC, bamwe mu baba mu karere ka Masisi bemeza ko hari intambara zikomeje, ibyemezwa n’impande zombi zihanganye ariko zikitana ba nyirabayazana.

Mu gihe M23 Ivuga ko Yemeye gushyira mu bikorwa amasezerano yashyizweho umukono n’abategetsi b’akarere i Luanda ku wa 23 Ugushyingo, umutwe wa M23 ushinja leta ko yo ibaca inyuma “igatera ibirindiro byacu”.

Ku ruhande rwayo leta ibona ko ibiherutse kubera i Kibumba aho M23 yemeye gusubiza aka gace ari uguhuma amaso amahanga kugira ngo ifate utundi turere.

Jenerali Sylvain Ekenge uvugira ingabo za Congo, FARDC yongeye kubwira BBC ko u Rwanda ari rwo rutera igihugu cye, akavuga ko M23 ari igikoresho.

U Rwanda na M23 bombi barahakana ibivugwa na Congo.

Umuvugizi wa M23 Majoro Willy Ngoma yabwiye BBC ko bo batangiye gukurikiza uko amasezerano abiteganya, bakava muri Kibumba ariko ingabo za Congo zikabazenguruka zigatera ibinrindiro byabo.

Ati: “Amasezerano arasobanutse, twatangaje ko dutangiye kuva muri Kibumba buke buke nk’uko amasezerano y’i Luanda abitegekanya, ariko bahita badutera”.

Abona ko leta nta gushaka kwa politike ifite mu gushaka amahoro.

Ati: “Twebwe nta ntambara twatangije kurilreta, icyo dukora ni ukwirwanaho.

“Twasinye ku masezerano na ;eta, ibirimo kuba nibo ntandaro ya byose kuko nibo baduca inyuma bakadutera. Ntibashaka ko haba amahoro kubera bafite iyindi migambi”.

Inama y’abategetsi b’akarere yabereye i Luanda ku wa 23 Ugushyingo, itegeka M23 kuva mu turere twose yigaruriye kuva intambara isubiye kwaduka mu kwezi kwa cumi na kumwe muri 2021,bitaba ibyo hagakoreshwa ingufu.

Hagati aho, Jenerali Sylvain Ekenge, umuvugizi w’igisirirkare cya Congo, we avuga ko M23 itigeze iva muri Kibumba, kandi ko ikomeje ibitero mu karere kari hagati ya Rutshuru na Masisi.

Ati: “Bashaka gukora ibishoboka byose kugira ngo binjire i Masisi, ariko ntibashoboye kugerayo

“Baracyari muri teritwari ya Rutshuru, bagerageje gufata Karake, kugira binjirire i Sake, ariko twabasubije inyuma”.

BBC