skol
Fortebet

M23 yarahiriye gufata Bunagana mu rwego rwo guha isomo FARDC

Amakuru   Yanditswe na: Dusingizimana Remy 11 June 2022

Umutwe wa M23 watangaje ko watangiye intambara ifunguye igamije kwigarurira ibice bitandukanye bya Repubulika Iharanira Demokarasi ya Congo (RDC), bitandukanye n’uko yari imaze iminsi ibigeza ubwo yafataga ibice bimwe igasubira inyuma.

Mu bice M23 yateguje ko ishaka gufata harimo Bunagana ikora ku mupaka ugabanya RDC na Uganda.

Ibi bitero bije nyuma y’amezi atatu abarwanyi b’uyu mutwe bafata ibice bitandukanye nyuma bagatangaza ko bahagaritse imirwano bagasubira inyuma mu birindiro basanzwemo.

Umuvugizi w’umutwe wa M23, Willy Ngoma yagize ati “Imirwano irakomeje tumaze kwigarurira imidugudu y’i Bunagana ariyo Kavange na Kashiru. Ingabo za FARDC zahungiye i Kanombe hafi n’umupaka wa Uganda. Kuri iyi nshuro intambara irafunguye twiteguye guhita dufata umupaka wa Bunagana mu rwego rwo kwirinda’’.

M23 itangaje ko yubuye imirwano ikomeye nyuma y’amasaha make ubuyobozi bwa Kiliziya Gatolika ku Isi butangaje ko Papa Francis yahagaritse ingendo yari afite mu Burasirazuba bwa RDC no muri Sudani y’Epfo, kubera uburwayi.

Bivugwa ko byaba byagize uruhare mu gukomeza imirwano mu buryo bukomeye kuri M23, isaba Leta ya Congo gushyira mu bikorwa amasezerano bagiranye mu 2013.

M23 ivuga ko abarwanyi bayo batashyizwe mu ngabo za Leta cyangwa ngo basubizwe mu buzima busanzwe nkuko byari byemejwe mu masezerano n’ubundi burenganzira basabira abavuga Ikinyarwanda muri Congo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abasirikare 15 Baguye mu Gitero cy’Intangondwa muri Burkina Faso

Igisirikare cya Burkina Faso gitangaza ko abasirikare bacyo 15 bishwe mu...
10 August 2022 0

Intambara igomba kurangirana no kubohorwa kwa Crimea –Perezida wa...

Perezida wa Ukraine Volodymyr Zelensky yavuze ko intambara yatangiriye muri...
10 August 2022 0

Kenya: Depite ari guhigwa aregwa kurasa akica umuntu ku biro...

Umudepite wo muri Kenya ari guhigwa nyuma y’uko ashinjwa kurasa akica...
10 August 2022 0

Kenya: Ruto arigamba intsinzi kuri uyu munsi w’amatora ya Perezida

Amatora ya Perezida muri Kenya yabaye kuri uyu wa Kabiri tariki ya 09...
9 August 2022 0

Nepal: Ingwe zari zigiye gucika bakazibungabunga zimereye nabi...

Nepal yakoze ibikomeye ikuba akarenze kabiri umubare w’ingwe mu myaka 10...
8 August 2022 0

Abimukira Barenga 250 barusimbutse mu Nyanja ya Mediterane

Abasirikare ba Tuniziya Batabaye Abimukira Barenga 250 muri Mediterane...
8 August 2022 0