skol

M23 yashimye abaperezida ba EAC yibasira cyane ubutegetsi bwa RDC

Amakuru   Yanditswe na: Dusingizimana Remy 21 June 2022

Ubuyobozi bw’Inyeshyamba za M23 zashimiye Abakuru b’Ibihugu bigize Umuryango w’Afurika y’Ibirasirazuba (EAC) bwamaganye urwango n’ubwicanyi burimo gukorerwa Abanyekongo bavuga Ikinyarwanda muri RDC, buvuga ko urwango rwenyegejwe n’abayobozi bakuru b’icyo gihugu.

Mu itangazo bashyize hanze,umutwe wa M23 wavuze ko imvugo z’urwango zihembera jenoside ziri gukoreshwa n’abategetsi ba RDC zikwiriye kuvaho ndetse bashima abaperezida b’ibihugu bya EAC kuba babyamaganye.

M23 yavuze ko aba bategetsi bakwiriye gushyira imbaraga mu gushishikariza abanyecongo gukorera hamwe aho kubacamo ibice.

uyu mutwe wavuze kandi ko uretse aba bategetsi,n’abasirikare nabo bakwirakwiza urwango mu baturage byatumye bamwe bica abavuga Ikinyarwanda.

Mu gusoza,umutwe wa M23 wagize ute "Dushyigikiye inzira y’amahoro,kuko ariyo yatuma aya makimbirane ahagarara.Turashaka gutangariza abantu ko guhera ejo tariki ya 20 Kamena 2022 abaturage batangiye gutaha iwabo banyuze ku mupaka wa Bunagana.

Abakuru b’Ibihugu bihuriye mu Muryango w’Afurika y’Iburasirazuba (EAC) bemeje ishyirwaho ry’Ingabo zihuriweho n’Umuryango zigiye gutanga ubutabazi mu rugamba rwo guhashya burundu imitwe yitwaje intwaro muri Repubulika Iharanira Demokarasi ya Congo (RDC).

Ishyirwaho ry’Ingabo za EAC ni umwe mu mwanzuro wibanzweho cyane mu yafashwe n’abo bayobozi bahuriye i Nairobi muri Kenya ku wa Mbere taliki ya 20 Kamena 2022.

Abakuru b’Ibihugu baganiriye ndetse banafata ingamba ku kibazo cy’umutekno muke mu Burasirazuba bwa RDC, biyemeza kwimakaza amahoro, umutekano n’iterambere muri ako gace no mu Muryango w’Afurika y’Iburasirazuba wose.

Biyemeje kugira uruhare mu rugendo rw’ubumwe n’ubwiyunge baniyemeza gushaka igisubizo kirambye ku ntambara z’urudaca muri RDC by’umwihariko mu Ntara ya Kivu y’Amajyaruguru, iya Kivu y’Amajyepfo n’iya Ituri.

Inama yatangiye Abakuru b’Ibihugu bagenzura aho urugendo rwo gushyiraho ingabo zihuriweho rugeze, inshamake y’ibyavuye mu nama y’Abagaba b’Ingabo yo ku Cyumweru taliki ya 19 itangazwa n’Umugaba w’Ingabo za Kenya Gen. Robert Kibochi ari na we ukuriye Komite ihuriweho n’Abagaba b’Ingabo z’ibihugu bya EAC.

Abagaba b’Ingabo b’Ibihugu byose uko ari birindwi bihuriye muri EAC bitabiriye iyo nama yari igamije kwiga ku ishyirwaho ry’ingabo zihuriweho, imikorere yazo, imitere y’ikibazo zigomba guhangana nazo, ibirebana n’amasezerano agomba gusinywa ndetse n’izindi ngingo zirebana n’amategeko n’amabwiriza bigomba kubahirizwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

US: Ukekwaho kurasa mu kivunge cy’abantu benshi akica 6 yafashwe

Polisi y’Amerika yataye muri yombi umugabo ucyekwa, nyuma yuko abantu...
5 July 2022 0

Uganda yabeshyuje amakuru y’abayishinja gutoza abarwanya Leta ya...

Igisirikare muri Uganda cyabeshyuje inkuru z’uko kiri kugerageza...
4 July 2022 0

RDC: FARDC ifatanyije na Mai Mai barwanye na M23 mu duce tubiri twegereye...

Imirwano ikomeje guhanganisha umutwe wa M23 n’Igisirikare cya Congo (FARDC)...
4 July 2022 0

Uwitwaje intwaro yahitanye abaturage mu mugi wa Danemark

Umuntu witwaje intwaro yateye inyubako y’ubucuruzi (centre commercial/shopping
4 July 2022 0

Ukraine n’Uburusiya bose bari kwiyitirira kugenzura Umujyi wa...

Umujyi wa Lysychansk uri mu burasirazuba bwa Ukraine nturimo kuvugwaho...
3 July 2022 1

US: Abapolisi batatu biciwe mu kurasana nabo bari bagiye guta muri...

Abapolisi batatu bishwe barashwe muri leta ya Kentucky muri Amerika, ubwo...
3 July 2022 0