Ubuyobozi bw’umutwe wa M23 bwashyize hanze itangazo kuri uyu wa Kane tariki 19 Mutarama 2023, ryamagana ibyatangajwe na Guverinoma ya Congo ko wanze kuva mu bice wafashe.
Uyu mutwe uvuga ko ibyatangajwe ko uyu mutwe utarekuye ibice wavuyemo, ari ikinyoma kuko wabivuyemo ku mugaragaro.
Iri tangazo ryashyizweho umukono n’Umuvugizi wa M23 mu bya Politiki, Lawrence Kanyuka, rigira riti “Bihabanye n’ibyavuzwe mu itangazo, M23 iremeza ko yavuye mu birindiro bya Kibumba na Rumangabo, ku ya 23 (...)

Sponsored Ad

Ubuyobozi bw’umutwe wa M23 bwashyize hanze itangazo kuri uyu wa Kane tariki 19 Mutarama 2023, ryamagana ibyatangajwe na Guverinoma ya Congo ko wanze kuva mu bice wafashe.

Uyu mutwe uvuga ko ibyatangajwe ko uyu mutwe utarekuye ibice wavuyemo, ari ikinyoma kuko wabivuyemo ku mugaragaro.

Iri tangazo ryashyizweho umukono n’Umuvugizi wa M23 mu bya Politiki, Lawrence Kanyuka, rigira riti “Bihabanye n’ibyavuzwe mu itangazo, M23 iremeza ko yavuye mu birindiro bya Kibumba na Rumangabo, ku ya 23 Ukuboza 2022 ndetse no ku ya 06 Mutarama 2023, ikagenda yemye.”

M23 ikomeza ivuga ko yiteguye kurekura n’ibindi bice byose igenzura nkuko byemerejwe mu nama y’i Luanda muri Angola yabaye mu kwezi k’Ugushyingo 2022.

Iti “Nubwo hakomeje gukorwa ibyo bikorwa byo kurekura ibice nkuko byemerejwe mu nama y’i Luanda, Guverinoma ya Congo ifatanyije n’ubufatanye bwayo ntibigeze bahagarika imirwano nkuko byanemejwe muri iyi nama. Ubwo bwihuze bukomeje kubaga ibitero ku birindiro byacu binyuranye, kandi natwe ntabwo tuzicara ngo turebere abaturage bakomeza kwicwa.”

M23 ikomeza ivuga ko imyanzuro yafatiwe muri iriya nama y’i Luanda itayireba yonyine, iti “Ntiturabona na rimwe Guverinoma ya DRC ishyira mu bikorwa iyi myanzuro nko kwambura intwaro imitwe yaba ikomoka hanze n’ikomoka mu Gihugu imbere cyangwa gahunda ihamye yo gusubiza abaturage bahunze mu ngo zabo.”

Uyu mutwe wa M23 usoza usaba Guverinoma ya Congo guhagarika ibikorwa byayo byo kuburizamo amasezerano ya Nairobi na Luanda no gukomeza gukingira ikibaba ubwicanyi buri gukorerwa bamwe mu Banyekongo.

Kuri uyu wa Kane tariki 19 Mutarama 2023, Guverinoma y’u Rwanda yamaganiye kure ibikubiye muri itangazo ryasohowe na RDC, ivuga ko bibabaje kuko ari ibinyoma, ndetse igaragaza ko bimwe mu biririmo bigaragaza ko hari umugambi mubisha uri gutegurwa wo gushoza intambara ku Rwanda.