skol

M23 yavuze ku birego RDC ishinja u Rwanda byo kuyitera inkunga mu ntambara

Amakuru   Yanditswe na: Dusingizimana Remy 30 May 2022

Umuvugizi wa M23,Willy Ngoma,yahakanye ibirego bikomeje gufata intera ko u Rwanda rurimo gufasha umutwe wabo kugira ngo utsinde ingabo za Leta ya RDC bivugwa ko ziri gufatanya na FDLR.

Willy Ngoma yabwiye BBC ko ibivugwa n’ibyerekanwa n’ingabo za DR Congo ari ibihimbano kandi ari "ibinyoma".

Yemeza ko ahaberaga imirwano ubu hari agahenge gusa ati: "Ariko igihe icyo aricyo cyose byose byakongera’.

M23 kandi ku cyumweru nijoro yasohoye itangazo rishinja leta kuba yarananiwe kubahiriza amasezerano yagiranye nabo mu 2013, 2019, 2021 n’ayandi.

Ahaberaga imirwano hagati y’ingabo za leta ya DR Congo n’inyeshyamba za M23 muri teritwari za Rutshuru na Nyiragongo hari ituze kuva muri weekend, gusa ubu hari intambara ya politiki no gushinjanya.

Ingabo za DR Congo zasohoye ibimenyetso by’amajwi n’amashusho y’abasirikare babiri b’u Rwanda zivuga ko bafatiwe hafi y’ikigo cya gisirikare cya Rumangabo baraje gufasha M23.

Aboshye amaboko, umwe muri bo, Cpl Nkundabagenzi Elysee, yumvikana avuga ko bageze muri Congo kuwa gatatu babwiwe ko baje kurwanya umutwe wa FDLR warashe mu Rwanda.

Umuvigizi w’ingabo mu ntara Kivu ya ruguru, Gen Sylvain Ekenge, avuga ko aba basirikare bafashwe n’abaturage barimo guhunga nyuma y’uko ingabo zisubije inyuma abarwanyi ba M23 bari bateye ikigo cya gisirikare cya Rumangabo.

Igisirikare cya Congo cyerekana ibyangombwa by’aba basirikare, bigaragaza ko Nkundabagenzi we yagiye no mu butumwa bwa ONU muri Sudani y’Epfo.

Ifatwa ry’aba risa n’ikimenyetso gikomeye ku byo abategetsi ba Congo bakomeje gushinja u Rwanda gufasha M23, umutwe ubu leta ya Kinshasa yise ’uw’iterabwoba’.

Ku rundi ruhande,igisirikare cy’u Rwanda cyavuze ko abo basirikare bashimuswe n’ingabo za Congo bari butaka bw’u Rwanda.

Mu nama y’ubumwe bwa Africa i Malabo muri Guinea Equatorial kuwa gatandatu Minisitiri w’ububanyi n’amahanga w’u Rwanda yavuze ko u Rwanda nta ruhare rufite mu birimo kubera muri Congo.

Vincent Biruta yabwiye iyo nama ko mu gushinja u Rwanda, DR Congo "iba iyobya uburari yirengagiza ko ingabo zayo zifatanya na FDLR", umutwe urwanya ubutegetsi bw’u Rwanda.

Ikibazo cya M23 gikomeje kuba ikibazo kuri leta ya RDC nubwo gusa inzira z’ibiganiro nizo zishobora gutanga umuti urambye nubwo zisa n’izananiranye mu myaka irenga 15 ishize.

Inzira y’intambara nayo ibyo ikemura ku kibazo cy’urusobe nk’iki ni bicye cyane kurusha ibyo yangiza nk’uko amateka muri aka karere abyerekana.

Biragoye cyane guteganya iherezo ry’ikibazo gishingiye ku mitwe yitwaje intwaro mu burasirazuba bwa DR Congo, akarere kandi gakungahaye ku mabuye y’agaciro

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

US: Abapolisi batatu biciwe mu kurasana nabo bari bagiye guta muri...

Abapolisi batatu bishwe barashwe muri leta ya Kentucky muri Amerika, ubwo...
3 July 2022 0

Yabaye icyamamare mu gace kubera kubyara impanga inshuro 5 zikurikiranya

Ayopo Ogunleye, wateye inda z’impanga inshuro eshanu, asa nk’uwabaye...
2 July 2022 0

M23 yerekanye imbunda zikomeye yambuye FARDC inanyomoza ibyavugwaga ko...

Umutwe wa M23 waraye werekanye imbunda zikomeye watse igisirikare cya Congo...
2 July 2022 0

Perezida Tshisekedi yongeye kwanga ubufasha bwa RDF anakurira inzira ku...

Mu ijambo Perezida Felix Tshisekedi yagejeje ku banyekongo ku munsi wo...
2 July 2022 0

Ukraine: Ibisasu by’Uburusiya byishe abantu 21 hafi y’umujyi wa...

Abantu batari munsi ya 21, barimo n’umwana, bapfiriye mu gitero cy’ibisasu...
2 July 2022 0

Libya: Abigaragambya batwitse inzu y’inteko ishinga amategeko

Abigaragambya biraye mu nyubako y’inteko ishingamategeko ya Libya mu mujyi...
2 July 2022 0