Imirwano ikomeye hagati y’ingabo za Republika Iharanira Demokarasi ya Congo "FARDC"na M23 yabereye ahitwa Gako na Kalengera, ndetse inyeshyamba za M23 zatangaje ko ari zo zigenzura umuhanda mukuru,Goma-Rutshuru.
Urubuga la Republique.net rwo muri Congo ruvuga ko imirwano yatangiye saa kumi n’imwe mu gitondo (5h00 a.m) kuri uyu wa Kane tariki 27 Ukwakira, 2022 ibera mu gace ka Kanombe na Nyesisi, muri Gurupema ya Kisigari.
Iki kinyamakuru kivuga ko inyeshyamba za M23 zafashe umuhanda (…)

Imirwano ikomeye hagati y’ingabo za Republika Iharanira Demokarasi ya Congo "FARDC"na M23 yabereye ahitwa Gako na Kalengera, ndetse inyeshyamba za M23 zatangaje ko ari zo zigenzura umuhanda mukuru,Goma-Rutshuru.

Urubuga la Republique.net rwo muri Congo ruvuga ko imirwano yatangiye saa kumi n’imwe mu gitondo (5h00 a.m) kuri uyu wa Kane tariki 27 Ukwakira, 2022 ibera mu gace ka Kanombe na Nyesisi, muri Gurupema ya Kisigari.

Iki kinyamakuru kivuga ko inyeshyamba za M23 zafashe umuhanda uhuza Rutshuru n’Umujyi wa Goma, ziwufungira ahitwa Kalengera na Kako.

Sosiyete civile muri kariya gace ivuga ko umubare w’impunzi ukomeje kwiyongera, bamwe barahungira i Goma, abandi barerekeza Rutshuru Centre.

Sosiyete Civile ivuga ko inyeshyamba za M23 zigenzura uduce twa Kanombe, Nyesisi, na Gugo muri Gurupema ya Kisigari ndetse ko umubare w’impunzi ukomeje kwiyongera, bamwe bari guhungira i Goma, abandi bakajya Rutshuru Centre.

Uyu mutwe wavuze ko Perezida Félix A. Tshisekedi azicuza kwanga kuganira nawo kuko ngo barakomeza kwivuna FARDC bashinja kubanza kubagaho ibitero.

Amakuru aravuga ko ingabo za FARDC ziri guhunga ziva mu mujyi wa Rutshuru kuko zisumbirijwe na M23.

Ikinyamakuru Goma24 kivuga ko FARDC iri guhunga yerekeza Kanyabayonga, yamaze gutererana Rutshuru ndetse ko M23 ihita yinjira mu mujyi nta ntambara irwanye.

Abantu batuye Rutshuru basabwe kuguma mu mazu yabo.

Uduce twa Kalengera, Gako, Rubare, Rangira, Burayi, Rukoro, Matebe, Kanombe yo muri Gisigari kuri kilometero nkeya uvuye Rumangambo twamaze kujya mu maboko ya M23 kimwe na La Colline de Ngugo muri Rugari.