skol

MONUSCO yahakanye ibyo gufatanya n’umutwe wa FDLR mu kurwanya M23

Amakuru   Yanditswe na: Dusingizimana Remy 3 June 2022

Ingabo za ONU muri Repubulika ya demokarasi ya Congo - MONUSCO zirahakana ibiherutse gutangazwa n’u Rwanda ruzishinja gukorana n’umutwe wa FDLR mu ntambara ingabo za leta ya Congo zirwana n’umutwe wa M23.

Umuvugizi wungirije wa MONUSCO, Ndeye Khady Lo, yabwiye BBC Gahuzamiryango ko ingabo za MONUSCO mu gufatanya n’igisirikare cya Congo zishyira imbere iyubahirizwa ry’amategeko mpuzamahanga, uburenganzira bw’ikiremwamuntu no kurengera ubuzima bw’abaturage b’abasivile.

Yavuze ko bahakana ibyo birego byatanzwe na Leta y’u Rwanda.Abajijwe niba Leta ya Kongo yo ikorana na FDLR yavuze ko icyo ari ikibazo yabazwa.

Minisitiri w’ububanyi n’amahanga w’u Rwanda, Vincent Biruta, aherutse kubwira abadipolomate n’abahagarariye ibihugu byabo mu Rwanda ko ingabo za ONU zishinzwe kubungabunga amahoro muri Congo zikorana n’inyeshyamba zo mu mutwe wa FDLR urwanya leta y’u Rwanda.

Leta y’u Rwanda ivuga ko ingabo za Repubulika iharanira demokarasi ya Congo hari uburyo zifatanyamo n’inyeshyamba za FDLR bakazifasha kurwanya imitwe iba irwana nayo n’uwa M23 urimo.

Umuvugizi wungirije wa leta y’u Rwanda, Alain Mukuralinda, yabwiye BBC Gahuzamiryango ati: "iyo amakuru agaragaza ko ingabo za Repubulika ya demokarasi ya Congo zifatanya na FDLR zikabashyira imbere zibaha intwaro... kugira ngo barwanye iyo mitwe ejo kumva ku mugaragaro ngo Monusco yafatanije n’ingabo za Congo nazo zifatanije na FDLR, ubwo se ikiba gisigaye ni iki?."

Hagati aho, amakuru aturuka mu burasirazuba bwa Repubulika ya demokarasi ya Congo aravuga ko ubu hari agahenge ndetse na bamwe mu baturage bari barahunze batangiye gusubira mu byabo.

Intumwa idasanzwe y’umunyamabanga mukuru wa ONU muri Congo, Bintou Keita, yasuye umujyi wa Goma aho yavugiye ko hakenewe ingufu zikomeye za gisirikare kugirango bishoboke ko umutwe wa M23 uneshwa burundu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble gaby

    kuki bumva ko m23 ariwo mutwe ubateye ikibazo ngo nuko uvuga ikinyarwanda harya ???
    hanyumase fdlr yo ivuga uruhe rurimi harya ??? niba barwanya ikinyarwanda nibahere kurabo

    1 month ago
  • chat_bubble kwivamo

    MONUSCO ntabwo izi abakorana na FARDC?

    1 month ago

Inzindi nkuru

Ukraine n’Uburusiya bose bari kwiyitirira kugenzura Umujyi wa...

Umujyi wa Lysychansk uri mu burasirazuba bwa Ukraine nturimo kuvugwaho...
3 July 2022 1

US: Abapolisi batatu biciwe mu kurasana nabo bari bagiye guta muri...

Abapolisi batatu bishwe barashwe muri leta ya Kentucky muri Amerika, ubwo...
3 July 2022 0

Yabaye icyamamare mu gace kubera kubyara impanga inshuro 5 zikurikiranya

Ayopo Ogunleye, wateye inda z’impanga inshuro eshanu, asa nk’uwabaye...
2 July 2022 0

M23 yerekanye imbunda zikomeye yambuye FARDC inanyomoza ibyavugwaga ko...

Umutwe wa M23 waraye werekanye imbunda zikomeye watse igisirikare cya Congo...
2 July 2022 0

Perezida Tshisekedi yongeye kwanga ubufasha bwa RDF anakurira inzira ku...

Mu ijambo Perezida Felix Tshisekedi yagejeje ku banyekongo ku munsi wo...
2 July 2022 0

Ukraine: Ibisasu by’Uburusiya byishe abantu 21 hafi y’umujyi wa...

Abantu batari munsi ya 21, barimo n’umwana, bapfiriye mu gitero cy’ibisasu...
2 July 2022 0