skol
Fortebet

MONUSCO yashinje M23 kugira intwaro zihambaye no kubangamira abasivile

Amakuru   Yanditswe na: Dusingizimana Remy 30 June 2022

Intumwa yihariye muri Repubulika ya Demokarasi ya Congo y’umunyamabanga mukuru w’umuryango w’abibumbye (ONU/UN),Bintou Keita,ivuga ko umutwe w’inyeshyamba wa M23 "urimo kurushaho kwitwara nk’igisirikare gisanzwe, gifite ibikoresho bihambaye".

Bintou Keita wa MONUSCO,ishinzwe kubungabunga amahoro muri Congo, yavuze ko mu mirwano ihise, M23 yagaragaye nk’igisirikare gikize aho kuba umutwe w’abitwaje intwaro.

Bintou Keita yabwiye akanama ka ONU gashinzwe amahoro n’umutekano ko M23 ifite intwaro zikomeye, ibisasu bya morotiye, hamwe n’ibibunda bidahusha mu kurasa indege.

Keita yagize ati: "Mu kwezi kwa gatanu n’ukwa gatandatu, ibitero bya M23 byabaye mu buryo buteguwe neza ahantu henshi ho muri Rutshuru…

"Mu mirwano ya vuba aha cyane, M23 yakomeje kurushaho kwitwara nk’igisirikare gisanzwe kurusha kwitwara nk’umutwe witwaje intwaro.

"M23 ifite ubushobozi bwo kurasa hamwe n’ibikoresho birushaho kugenda biba ku rwego ruhambaye [rukomeye], nk’urugero ku bijyanye n’ubushobozi bwo kurasa mu ntera ndende bw’imbunda za ’mortiers’ na ’mitrailleuses’ no kurasa mu buryo budahusha ku bibuga by’indege ntoya".

Kuva mu kwezi kwa kane uyu mwaka, umutwe wa M23 wagabye ibitero muri teritwari ya Rutshuru mu ntara ya Kivu ya ruguru, mu burasirazuba bwa DR Congo, nyuma y’imyaka igera ku 10 yari ishize nta bitero bikomeye ukora.

Buri ruhande – ingabo za leta ya Congo na M23 – rushinja urundi gutangiza imirwano.

Kuva ku itariki ya 13 y’uku kwezi kwa gatandatu, uyu mutwe ni wo ugenzura umujyi wa Bunagana uri ku mupaka wa Congo na Uganda.

Umutwe wa M23 wari watsinzwe n’igisirikare cya Congo, FARDC gifataynije n’ingabo za MONUSCO mu 2013. Ariko mu kwezi kwa cumi na kumwe 2021, wongeye gusubira kwisuganya.

ONU ivuga ko ibitero by’umutwe wa M23 kugeza ubu bimaze gutuma abaturage b’abasivile 23 bapfa, barimo n’abana batandatu, mu gihe abandi barenga 170,000 bahunze.

Leta ya DR Congo ishinja leta y’u Rwanda guha ubufasha bwa gisirikare umutwe wa M23 – ibyo u Rwanda na M23 bahakana.

Yavuze ko kugeza ubu uruhare rw’ingabo za MONUSCO rwatumye M23 idashobora gushyira ku nkeke umujyi wa Goma, uri ku mupaka n’u Rwanda.

IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

M23 irashinjwa kwangiza urugomero rw’amashanyarazi rwa parike ya...

Umutwe wa M23 urashinjwa ko mu mirwano yo kuwa kabiri warashe nkana ibisasu...
18 August 2022 0

Kenya: Abakomiseri b’akanama k’amatora barashinjwa kugerageza kubangamira...

Umukuru w’akanama k’amatora ka Kenya yashinje bane mu bakozi bakuru...
18 August 2022 0

DR Congo: Denis Mukwege afata kwinjiza ingabo z’abarundi mu gihugu...

Uwahawe igikombe cy’amahoro mu mwaka 218, Dr. Denis Mukwege yanenze bikomeye...
17 August 2022 1

Uburusiya bwatwerereye umuriro iturika riheruka ku kibuga cya Crimea muri...

Mu cyumweru gishize , nibwo habaye igisa nk’igitero cya Ukraine ku kibuga...
17 August 2022 0

Tanzaniya: Abaporisi babyibushye bikabije Perezida yategetse ko...

Perezida wa Tanzania, Samia Suluhu, yategetse ko abapolisi bafite umubyiho...
17 August 2022 1

DR Congo: Brig Gen Tshinkobo wayoboraga akarere ka 34 yapfuye, M23 ibyita...

Umujenerali wari ukomeye muri FARDC yapfuye urupfu rutunguranye.
17 August 2022 0