skol

Mozambike: Inyeshyamba ziravugwaho kwigira abasivile kubera gutinya ingabo z’u Rwanda

Amakuru   Yanditswe na: Dusingizimana Remy 17 August 2021

Umugaba w’ingabo zirwanira ku butaka za Mozambique yavuze ko ibitero, bikomeje, byo kurwanya abarwanyi mu ntara ya Cabo Delgado bitahuye no kwihagararaho gukomeye kuko abo barwanyi bashobora kuba barataye intwaro bakihindura abasivili.

Brig Chongo Vidigal yabwiye televiziyo y’igihugu ati: "Niyo mpamvu dukomeje kubakurikirana no kugenzura abantu bose bahinjira, cyane cyane abavuga ko bavuye muri Palma, yamaze igihe kinini yarafashwe kugeza vuba aha."

Yavuze ko "95% by’aba barwanyi" bari abaturage ba Mozambique.

Umwaka ushize abo barwanyi bafashe umujyi urimo ibikorwa bikomeye byo gucukura gaze wa Palma, hamwe n’umujyi uriho icyambu gikomeye wa Mocímboa da Praia.

Mocímboa da Praia yabohojwe mu cyumweru gishize nyuma y’ibitero biyobowe n’ingabo z’u Rwanda zoherejwe muri ako gace mu kwezi gushize, ku masezerano abategetsi bavuze ko ibihugu byombi bifitanye.

Brigadier Vidigal wahoze ari umuvugizi w’ingabo, yavuze ko ingabo z’u Rwanda zifite ibikoresho bigezweho, yongeraho ko iza Mozambique "zifite gukunda igihugu cyane" kandi zombi zakoranye bya hafi.

Yavuze kandi ko abasirikare b’u Rwanda bihuse mu gutanga amakuru ku butumwa bwabo, harimo no gutangaza amashusho yo ku rugamba, kuko bari bafite abanyamakuru mu basirikare.

Ati: "Natwe dufunguriye abanyamakuru ba hano gukora nk’ibyo."

Ingabo z’umuryango w’ibihugu byo muri Africa y’amajyepfo, SADC, nazo zinjiye mu bikorwa byo kurwanya abo barwanyi biyitirira idini ya Islam mu majyaruguru ya Mozambique.

Ariko bisa n’aho nta ntambara yo kurwana nabo ihari ubu, nubwo bivugwa ko aba barwanyi bamwe bagiye bibumbira mu matsinda mato bakihisha mu mashyamba no muri rubanda bashaka kurwana intambara ya Guerilla.

Abantu barenga 3,000 barapfuye naho abagera ku 820,000 bava mu byabo kuva aba barwanyi batangira imigumuko muri Cabo Delgado mu 2017.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 13 biciwe mu bushyamirane bw’amoko muri RDC

Abantu 13 bapfiriye mu bushyamirane bw’amoko bwamaze iminsi itatu mu...
15 October 2021 0

Kenya: Umugabo wishe abana abana barenga 10 yishwe n’abaturage nyuma yo...

Umugabo wiyemereye ko yishe abana benshi hanyuma agatoroka polisi mu minsi...
15 October 2021 0

Kenya:Uwemeye ko yishe abana barenga 10 yatorotse kasho ya polisi

Umugabo wemeye ko yishe abana barenga 10 muri Kenya yatorotse kasho ya...
14 October 2021 0

Norvege: Umugabo witwaje umuheto n’imyambi yiraye mu mujyi yica abantu...

Umugabo witwaje umuheto n’imyambi yishe abantu batari bake yongera...
14 October 2021 0

Abacungagereza batawe muri yombi bazira gusambanya ku ngufu umugore wari...

Abacungagereza bo muri gereza ya Thika GK mu Ntara ya Kiambu muri Kenya...
13 October 2021 0

Burundi: Abasirikare babiri ba leta barimo Colonel biciwe mu mirwano...

Umusirikare w’ipeti rya ˮLieutenant Colonel ‟ witwa Nkurunziza Jean Marie...
12 October 2021 0