Umubare w’imiryango ifite inzara wikubye hafi kabiri muri Sudani nyuma y’aho intambara hagati y’abajenerali yateje igihugu akajagari mu gihe cy’amezi atandatu, nk’uko OMS na UNICEF babitangaje ku wa gatatu.

Sponsored Ad

Iyi ntambara ishingiye ku makimbirane yahitanye abantu barenga 9000, bigatuma abantu babarirwa muri za miriyoni bavanywe mu byabo baba impunzi bityo ibibazo by’ubuzima mu gihugu bikomeza kuba uruhuri.

Ishami ry’Umuryango w’Abibumbye ryita ku Buzima (OMS) n’Ikigega cy’Umuryango w’Abibumbye gishinzwe abana (UNICEF) rivuga ko kuva intambara itangiye umubare w’imiryango ifite inzara wikubye hafi kabiri mu bigo byombi by’umuryango w’abibumbye.

Mu itangazo ryashyize ahagaragara rivuga ko abana 700.000 bafite ikibazo cy’imirire mibi ikabije kandi abana 100.000 bakeneye ubuvuzi kugira ngo barwanye imirire mibi ikabije iherekejwe n’ibibazo by’ubuvuzi.”

Umuvugizi wa UNICEF muri imeri yabwiye AFP ati: “Abantu barenga miliyoni 20.3, ni ukuvuga hejuru ya 42% by’abatuye igihugu, bahura n’ibura ry’ibura ry’ibiribwa bikabije kandi ibi ni ko bimeze cyane cyane mu turere aho imirwano ikaze, cyane cyane i Darfur, Khartoum, Kordofan y’Amajyepfo, na Kordofan y’Uburengerazuba.

Avuga ko nibura abana 10,000 bari munsi y’imyaka 5 bashobora gupfa mu mpera za 2023 kubera ikibazo cy’ibura ry’ibiribwa ndetse n’ihungabana rya serivisi.

Intambara ikomeje guca ibintu muri Sudan yatangiye ku ya 15 Mata hagati y’ingabo ziyobowe na Jenerali Abdel Fattah al-Burhane n’abaparakomando b’ingabo za (RSF) ya Jenerali Mohamed Hamdane Daglo.