Kuri uyu wa gatatu,tariki ya 18 Ukwakira 2023, Perezida Félix Tshisekedi yasangiye ifunguro n’abajenerali n’abandi basirikare bakuru mu ngabo za DRC (FARDC).

Mu ijambo rye, Umukuru w’igihugu yasabye abamwakiriye kubahiriza ibyo bemereye igihugu ndetse n’abaturage kugeza ku gitambo cy’ikirenga: “ntimuzigere mugambanira Kongo. Twashizeho urwego rurengera inzego z’igihugu ndetse n’abaturage bacu. ”

Perezida Tshisekedi yongeye gushimangira ko guverinoma yiyemeje guharanira imibereho myiza y’abasirikare n’imiryango yabo.

Ati “Buri gihe ujye usohoza neza ubutumwa bwawe. Guverinoma izakora ibishoboka byose kugira ngo ikubahe mu kazi kawe ndetse na nyuma yako ”.

Umukuru w’igihugu yibukije aba basirikare umwanya wihariye ingabo z’ingabo n’umutekano bifite mu iterambere ry’igihugu.

Ati: "ntabwo muri abantu basanzwe,mutwaye iki gihugu, utanga ubuzima bwawe kugira ngo utabare iki gihugu»

Ibi bibaye nyuma y’aho Umuvugizi wa Guverinoma y’icyo gihugu,Patrick Muyaya yemeje ko abenshi mu baturage b’iki gihugu bifuza ko cyajya mu ntambara n’u Rwanda; gusa akavuga ko Guverinoma yacyo ishyize imbere uburyo bwa dipolomasi mu gukemura amakimbirane ifitanye n’u Rwanda.

Yagize ati: "Abanye-Congo benshi bashaka intambara, bashaka ko dushyira iherezo ku bikorwa by’u Rwanda burundu. Iki ni cyo cyifuzo cy’abanye-Congo."