skol
Fortebet

Perezida Tshisekedi yinjiye mu biganiro na MONUSCO bishobora kuyirukana muri RDC

Amakuru   Yanditswe na: Dusingizimana Remy 2 August 2022

Umuvugizi wa Guverinoma ya RDC, Patrick Muyaya yavuze ko hatangiye ibiganiro bigamije gusuzuma ibimaze iminsi bisabwa n’Abanye-Congo ko Ingabo za Monusco zasubira iwabo kuko ntacyo zabamariye mu myaka irenga 20 zimaze ku butaka bwabo.

Izi ngabo zahawe inshingano zo kurwanya imitwe yitwaje intwaro mu Burasirazuba bw’Igihugu cyabo ariko zibera mu bigo byazo abaturage bari gushira.

Muyaya yagize ati “Guverinoma yasabwe kugirana ibiganiro na Monusco mu rwego rwo gusuzuma gahunda y’uko abasirikare bari muri ubu butumwa basubizwa iwabo nk’uko biteganywa n’umwanzuro wa 2556 w’Akanama gashinzwe Amahoro n’Umutekano ku Isi.”

Ibi biganiro bigiye kuba mu gihe ku wa Mbere, tariki 1 Kanama 2022, Perezida Tshisekedi yagiranye ibiganiro na Perezida w’Inteko Ishinga Amategeko, Umutwe w’Abadepite n’uwa Sena ndetse n’Abayobozi b’Intara ya Kivu y’Amajyaruguru.

Iyi nama na yo yari igamije kurebera hamwe imikorere y’Ingabo za Monusco muri RDC.

Imyigaragambyo yo kwamagana Monusco muri RDC imaze kugwamo abantu 36 barimo abasirikare bane bari muri ubu butumwa.

Amasezerano ashyiraho Monusco yitwa SOFA, yasinywe tariki 30 Ugushyingo 1999. Kuva yashyirwaho umukono biragoye kubona umusaruro w’ibikorwa by’izi ngabo, kuko aho kugira ngo imitwe yitwaje intwaro mu Burasirazuba bwa RDC igabanuke, yiyongereye mu buryo bukomeye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kenya: Abakomiseri b’akanama k’amatora barashinjwa kugerageza kubangamira...

Umukuru w’akanama k’amatora ka Kenya yashinje bane mu bakozi bakuru...
18 August 2022 0

DR Congo: Denis Mukwege afata kwinjiza ingabo z’abarundi mu gihugu...

Uwahawe igikombe cy’amahoro mu mwaka 218, Dr. Denis Mukwege yanenze bikomeye...
17 August 2022 1

Uburusiya bwatwerereye umuriro iturika riheruka ku kibuga cya Crimea muri...

Mu cyumweru gishize , nibwo habaye igisa nk’igitero cya Ukraine ku kibuga...
17 August 2022 0

Tanzaniya: Abaporisi babyibushye bikabije Perezida yategetse ko...

Perezida wa Tanzania, Samia Suluhu, yategetse ko abapolisi bafite umubyiho...
17 August 2022 1

DR Congo: Brig Gen Tshinkobo wayoboraga akarere ka 34 yapfuye, M23 ibyita...

Umujenerali wari ukomeye muri FARDC yapfuye urupfu rutunguranye.
17 August 2022 0

DR Congo: Agahenge kagarutse nyuma y’isaha FARDC ihanganye n’abarwanyi ba...

Ingabo z’igisirikare cya kongo zabyutse zigaba ibitero bikomeye mu birindiro...
16 August 2022 0