skol
Fortebet

Perezida Tshisekedi yongeye kwanga ubufasha bwa RDF anakurira inzira ku murima Inyeshyamba zifuza kwinjira muri FARDC

Amakuru   Yanditswe na: Dusingizimana Remy 2 July 2022

Mu ijambo Perezida Felix Tshisekedi yagejeje ku banyekongo ku munsi wo kwizihiza isabukuru y’imyaka 62 y’ubwigenge bwa Repubulika ya Demokarasi ya Kongo, tariki ya 30 Kamena 2022,yemeje ko batifuza Ingabo z’u Rwanda mu ngabo za EAC zizajya muri Congo

Perezida Tshisekedi yashimangiye ko yasabye ko ingabo z’u Rwanda zidakenewe mu ngabo za EAC zitegerejwe kujya guhangana na M23 yabereye ibamba Leta ye.

Yagize ati “Ni muri urwo rwego kandi kohereza ingabo z’akarere mu burasirazuba bw’igihugu cyacu bigomba gushyirwa mu rwego rwo gushyigikira ingabo zacu, ingabo za EAC zigizwe n’ingabo zaturutse mu bihugu bimwe by’inshuti, abagize Umuryango, kugira ngo zitange umusanzu kurandura burundu ihohoterwa n’umutekano muke.

Nasabye kandi mbona ko u Rwanda rutitabira, kubera ubwitange bwarwo n’ubufatanye bwarwo n’umutwe w’iterabwoba wa M23.”

Perezida Tshisekedi yashimangiye ko yashyizeho gahunda yo kwambura intwaro inyeshyamba zose zigasubizwa mu buzima busanzwe mu rwego rwo guha ituze abaturage.

Yagize ati "Ndahumuriza abaturage ba Kongo,mu moko yabo yose ko ntazareka gushyira ingufu mu kugarura amahoro n’umutekano no kwirukana abateye mu karere kacu.

Muri urwo rwego, ndahamagarira buri wese muri twe gutekereza ko ubusugire bw’akarere ari ikibazo cy’ingenzi. kubw’ibyo ntituzemera ibikorwa ibyo ari byo byose bibubangamira cyangwa ngo tubyirengagize.

Aha niho twibutsa ko gukunda amahoro no kubana neza n’abaturanyi atari intege nke. Abanyekongo, abantu bakunda amahoro n’ubutabera, ntibazemera guhora baterwa.Mu gushaka ayo mahoro turasaba n’amajwi yacu yose kandi tuzakoresha amajwi yose yumvikana kugira ngo Abanyekongo babeho mu mahoro ku butaka bwabo ".

Yakuriye inzira ku murima imitwe yitwaje intwaro ko itazongera kwinjira mu nzego z’umutekano, kabone n’ubwo abayigize barambika hasi intwaro ku bushake, ahubwo ko abakoze ibyaha by’intambara bazabiryozwa imbere y’ubutabera.

Urubyiruko rugera kuri magana abiri rwakoze imyigaragambyo i Kinshasa ku wa gatandatu rwamagana u Rwanda, ruregwa n’ubuyobozi bwa RDC kuba rwarahaye "inkunga idasubirwaho" M23, yongera gufata intwaro mu mpera z’umwaka ushize, nyuma yo gutsindwa mu buryo bwa gisirikare n’ingabo za UN na FARDC muri 2013.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

M23 yasubije abavuga ko yahagaritse urugamba ikayoboka ibirombe

Umutwe wa M23 yateye utwatsi abayishinja guhagarika urugamba ikigira mu...
12 August 2022 0

RDC: FARDC yashinje Intagondwa za ADF gutorokesha imfungwa zirenga...

Igisirikare cya Repubulika ya Demokarasi ya Congo cyashinje umutwe...
11 August 2022 0

Abasirikare 15 Baguye mu Gitero cy’Intangondwa muri Burkina Faso

Igisirikare cya Burkina Faso gitangaza ko abasirikare bacyo 15 bishwe mu...
10 August 2022 0

Intambara igomba kurangirana no kubohorwa kwa Crimea –Perezida wa...

Perezida wa Ukraine Volodymyr Zelensky yavuze ko intambara yatangiriye muri...
10 August 2022 0

Kenya: Depite ari guhigwa aregwa kurasa akica umuntu ku biro...

Umudepite wo muri Kenya ari guhigwa nyuma y’uko ashinjwa kurasa akica...
10 August 2022 0

Kenya: Ruto arigamba intsinzi kuri uyu munsi w’amatora ya Perezida

Amatora ya Perezida muri Kenya yabaye kuri uyu wa Kabiri tariki ya 09...
9 August 2022 0