Imibare y’abaturage bishwe n’abarwanyi ba ADF mu gace ka Beni kuwa gatatu yavuye kuri batanu igera kuri 15, nk’uko ibinyamakuru muri DR Congo bibivuga.
Imirambo 10 y’abagore n’abagabo bishwe mu buryo bubi yabonywe mu bihuru kuwa kane nyuma y’indi itanu yari yabonetse kuwa gatatu mu gace ka Mangina kari muri 30Km uvuye mu mujyi wa Beni ujya mu burengerazuba.
Abategetsi bo muri aka gace bemeza ko ubu bwicanyi bwakozwe na ADF nubwo yo itigambye ko ariyo yishe abo baturage.
Ubu bwicanyi bubaye mu (...)

Sponsored Ad

Imibare y’abaturage bishwe n’abarwanyi ba ADF mu gace ka Beni kuwa gatatu yavuye kuri batanu igera kuri 15, nk’uko ibinyamakuru muri DR Congo bibivuga.

Imirambo 10 y’abagore n’abagabo bishwe mu buryo bubi yabonywe mu bihuru kuwa kane nyuma y’indi itanu yari yabonetse kuwa gatatu mu gace ka Mangina kari muri 30Km uvuye mu mujyi wa Beni ujya mu burengerazuba.

Abategetsi bo muri aka gace bemeza ko ubu bwicanyi bwakozwe na ADF nubwo yo itigambye ko ariyo yishe abo baturage.

Ubu bwicanyi bubaye mu gihe hashize ibyumweru bibiri ingabo za DR Congo n’iza Uganda zitangije ibitero kuri aba barwanyi.

Ibinyamakuru bisubiramo amagambo ya Kambale Mahamba ukuriye ako gace avuga ko abaturage bari bahungiye mu bihuru, aribo babonye iyi mirambo bahungutse.

Yemeza ko ubu ituze ryagarutse aho i Mangina no hafi yaho kuko "ubu nta masasu ari kumvikana."

Ibitero bya ADF ku baturage bo muri ako gace byatumye benshi bahagarika gukora imirimo yabo barahunga batinya kwicwa n’izi nyeshyamba.

Abategetsi bavuga ko nyuma ingabo za leta zatabaye maze izi nyeshyamba zigahunga abaturage bakabona gusubira mu byabo.

Ibitero by’ingabo za Uganda n’iza DR Congo ku mutwe wa ADF byahereye mu gice cy’uburasirazuba uvuye mu mujyi wa Beni ahegera umupaka wa Uganda.

Ubu bwicanyi mu kindi gice cy’iburengerazuba bwerekana ko inyeshyamba za ADF zishobora kuba zifite igice kinini zikoreramo mu ntara ya Kivu ya ruguru iruta ubunini u Burundi n’u Rwanda ubishyize hamwe.

BBC